दिलासादायक : पर्यटनस्थळांवरील निर्बंध लवकरच होणार शिथिल - Restrictions on tourist destinations will be eased in eight days-vd83 | Politics Marathi News - Sarkarnama

ब्रेकिंग न्यूज

कोकणासाठी मोठी बातमी : चिपी विमानतळाचा मार्ग मोकळा, DGCE चा परवाना. 9 ऑक्टोबरला उद्घाटन आणि त्याच दिवसापासून प्रवाशी वाहतूक
पंजाबमधील राजकारण पेटले : मुख्यमंत्री अमरिंदरसिंग यांचा राजीनामा; नवा मुख्यमंत्री कोण, याची उत्सुकता

दिलासादायक : पर्यटनस्थळांवरील निर्बंध लवकरच होणार शिथिल

उत्तम कुटे
शुक्रवार, 20 ऑगस्ट 2021

या निर्बंधामुळे स्थानिक व्यावसायिक, छोट्या-मोठ्या व्यावसायांवर मोठा परिणाम झाला आहे.

पिंपरी : पर्यटन स्थळांवरील कोरोना महामारीचे निर्बंध येत्या आठ दिवसांत शिथिल करण्याबाबत सकारात्मक निर्णय घेण्यात येईल, असे राज्याचे उपमुख्यमंत्री अजित पवार यांनी आज (ता. २०) पुणे येथे बोलताना सांगितले. त्यामुळे पर्यटक आणि त्यावर अवलंबून असलेले स्थानिक छोटेमोठे व्यावसायिक यांना मोठा दिलासा मिळणार आहे. (Restrictions on tourist destinations will be eased in eight days)

मावळचे राष्ट्रवादीचे आमदार सुनील शेळके यांनी पुणे जिल्ह्यातील पर्यटन स्थळांवरील कोरोनाचे निर्बंध शिथिल करण्याची मागणी पुणे जिल्हा कोरोना आढावा बैठकीत पालकमंत्री अजित पवार यांच्याकडे केली होती. त्यावर पर्यटकांना कशा पद्धतीने मुभा देण्यात येईल, याबाबत येत्या आठ दिवसांत सकारात्मक निर्णय घेऊ, असे पवार यांनी सांगितले. 

हेही वाचा : आमदार गोरे, खोतांनी शर्यतीचे ठिकाण बदलले...रातोरात निरोप गेले...अन्‌ पहाटे बैलगाडा शर्यती झाल्या!

या संदर्भात आमदार शेळके म्हणाले की, कोरोना महामारीमुळे सध्या पर्यटन स्थळांवर बंदी आहे. त्यामुळे पर्यटकांवर आधारित लहान-मोठ्या व्यवसायांवर विपरीत परिणाम झाला आहे. स्थानिक व्यावसायिक मोठ्या प्रमाणात अडचणीत आले आहेत. त्यामुळे पर्यटन स्थळांवरील हे नियम शिथिल करून स्थानिक व्यावसायिकांना दिलासा देण्याची मागणी राज्याचे उपमुख्यमंत्री अजित पवार यांच्याकडे बैठकीत केली. 

हेही वाचा : राष्ट्रवादीतून आलेल्या सत्तातूर टोळीमुळे भाजप बदनाम 

पुणे जिल्ह्यासह मावळ तालुक्यात हजारो पर्यटक येत असतात. पर्यटनाचा तेथील स्थानिक अर्थकारणात मोठा वाटा आहे. त्यामुळे अनेकांना उपजिविकेचे विविध पर्याय उपलब्ध झालेले आहेत. मात्र, कोरोना महामारीच्या या निर्बंधामुळे स्थानिक व्यावसायिक, छोट्या-मोठ्या व्यावसायांवर मोठा परिणाम झाला आहे, हे बैठीकत अजित पवार यांना पटवून दिले, असेही शेळके यांनी नमूद केले. 

एकंदरीतच मोठ्या अर्थकारणाला खिळ बसली आहे. व्यावसायिक अडचणीत आले आहेत. ऐन पावसाळ्यात पर्यटनास बंदी असल्याने अनेकांना उत्पन्नाचा स्त्रोत राहिलेला नाही. अनेक भागातील अर्थकारण हे पर्यटन, पर्यटकांवर अवलंबून आहे. त्यामुळे याबाबत लवकर निर्णय होणे गरजेचे आहे. त्यात आता जिल्ह्यात कोरोनाचा प्रादुर्भावही कमी होताना दिसत आहे.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख