मुंबई : सामाजिक न्याय विभागातंर्गत स्वयंसेवी संस्थांव्दारे चालविण्यात येणाऱ्या अनुदानित वसतीगृहांत काम करणाऱ्या कर्मचाऱ्यांच्या मानधनात एक जुलैपासून वाढ करण्याचा महत्वपूर्ण निर्णय आज घेण्यात आला आहे. राज्यातील दोन हजार ३८८ अनुदानित वसतीगृहात काम करणाऱ्या आठ हजार १०४ कर्मचाऱ्यांना याचा लाभ मिळणार आहे. The good news: the honorarium of the staff of the subsidized hostel has increased
सामाजिक न्याय विभागांतर्गत स्वयंसेवी संस्थांद्वारे चालवण्यात येणाऱ्या अनुदानित वसतीगृहांत काम करणाऱ्या कर्मचाऱ्यांच्या मानधनाच्या प्रश्नासंदर्भात आज बैठकीचं आयोजन करण्यात आलं होतं. यावेळी कर्मचाऱ्यांच्या मानधनात एक जुलै २०२१ पासून वाढ करण्याचा निर्णय घेण्यात आला.
हेही वाचा : खासदार म्हणाली, माझे लग्नच अवैध!
सामाजिक न्याय विभागांतर्गत राज्यात सुरु असणाऱ्या दोन हजार ३८८ अनुदानित वसतीगृहात काम करणाऱ्या अधिक्षक, स्वयंपाकी, मदतनीस आणि चौकीदार अशा एकूण आठ हजार १०४ कर्मचाऱ्यांच्या मानधनात वाढ करण्याचा निर्णय घेण्यात आला आहे.
यामुळे राज्यभरातील अनुदानित वसतीगृहात काम करणाऱ्या दोन हजार ३८८ अधीक्षकांचं मानधन दहा हजार रुपये, दोन हजार ८५८ स्वयंपाकींचं मानधन आठ हजार रुपये, तर ४७० मदतनीसांचं आणि दोन हजार ३८८ चौकीदारांचे मानधन प्रत्येकी साडेसात हजार रुपये करण्याचा निर्णय घेण्यात आला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.