भाजपचे सर्वांत तरुण प्रदेशाध्यक्ष अडचणीत; पक्षाच्या बड्या नेत्याचाच केला 'गेम'

चेन्नई : भाजपच्या (BJP) एका बड्या नेत्याचे पक्षाच्याच महिला पदाधिकाऱ्यासोबतचे व्हिडीओ कॉलवरील संभाषण सोशल मीडियात व्हायरल झाले होते. पक्षाच्याच एका पदाधिकाऱ्याने हे संभाषण व्हायरल केले होते. या क्लिप व्हायरल झाल्यानंतर क्लिपमधीने नेत्याने तडकाफडकी राजीनामा दिला तर क्लिप व्हायरल करणाऱ्या नेत्याची पक्षातून हकालपट्टी करण्यात आली. दरम्यान, यामागे भाजपचे सर्वांत तरुण प्रदेशाध्यक्ष के. अण्णमलाई (K.Annamlai) असल्याचे समोर आले आहे. यामुळे खळबळ उडाली असून, अण्णामलाई यांनी आयपीएस सेवेतून स्वेच्छानिवृत्ती घेतली आहे.

हा प्रकार तमिळनाडूत (Tamil Nadu) घडला आहे. संभाषणाची क्लिप व्हायरल झाल्यानंतर भाजपचे प्रदेश सरचिटणीस के. टी. राघवन यांनी आपल्या पदाचा लगेचच राजीनामा दिला. त्यानंतर पक्षाचे सदस्य असलेले व युट्यूबर मदन रविचंद्रन यांना निलंबित करण्यात आले आहे. त्यांचे युट्यूब अकाऊंटही बंद करण्यात आले आहे. रविचंद्रन यांनी युट्यूबवर ही अश्लील संभाषणाची व्हिडीओ क्लिप टाकली होती. त्यामध्ये एक व्यक्ती एका महिलेसोबत बोलताना दिसत आहे. यामध्ये महिलेचा चेहरा मात्र दिसत नाही. संबंधित व्यक्ती राघवन असल्याचे स्पष्टपणे दिसत आहे. 

ही व्हिडीओ क्लिप व्हायरल होण्यामागे प्रदेशाध्यक्ष के. अण्णामलाई यांचा हात असल्याचे समोर आले आहे. त्यांनीच या बड्या नेत्याची हकालपट्टी करण्यासाठी ही खेळी खेळल्याचे समोर आले आहे. यूट्यूबर रविचंद्रन याच्यासोबतच्या अण्णामलाईंच्या संभाषणाची क्लिप आता समोर आली आहे. बड्या नेत्यांना पक्षातून बाहेरचा रस्ता दाखवण्याची भाषा त्यांनी यात वापरली आहे. 

आता समोर आलेल्या ऑडिओ क्लिपमध्ये अण्णामलाई हे रविचंद्रन याला म्हणत आहेत की, शेवटी काय करायचे याचा निर्णय तू घ्यायचा आहेस. ही व्हिडीओ क्लिप प्रसिद्ध केल्यास मी एक ते दोन तासांत त्यांना पक्षातून निलंबित करेन. जर तू ही क्लिप प्रसिद्ध केली नाहीस तर मात्र, माझी डोकेदुखी वाढेल. मला ही क्लिप सगळ्यांना दाखवून त्यांचे मन वळवावे लागेल. यानंतर त्यांची दोन महिन्यांसाठी पक्षातून हकालपट्टी होऊ शकेल. 

रविचंद्रन यांच्या दाव्यानुसार प्रदेशाध्यक्ष के. अण्णामलाई यांना या क्लिपबाबत आधीच माहिती देण्यात आली होती. त्यांच्या संमतीनंतरही ही क्लिप युट्यूब टाकल्याचे त्यांचं म्हणणं आहे. रविचंद्रन यांनी आपल्याकडे असे जवळपास 15 व्हिडीओ असल्याचा दावाही केल्यानं भाजपमध्ये खळबळ उडाली आहे. राघवन यांचे स्टिंग ऑपरेशन करण्यात आल्याचा दावा त्यांनी केला आहे. तर हे हनी ट्रॅप असल्याचा आरोप काही जणांनी केला आहे. व्हिडीओतील महिला जिल्हा स्तरावरील नेता असल्याची माहिती रविचंद्रन याचा सहकरी वेनबा याने दिली आहे. तसेच आता आपल्या जीवाला धोका असल्याचा आरोपही त्याने केला आहे.

हेही वाचा : महागाईच्या मुद्द्यावर संघप्रणित संघटनेचाच मोदी सरकारच्या विरोधात एल्गार  

व्हिडीओ क्लिप व्हायरल झाल्यानंतर अण्णामलाई यांनी चौकशी समिती स्थापन केली आहे. राघवन यांनी पदाचा राजीनामा दिल्यानंतर मदन हा अण्णामलाई यांच्याकडं पक्षाच्या काही सदस्यांवर कारवाई करण्याची मागणी करण्यासाठी आला होता. कारवाई करण्यापूर्वी पुरावे देण्याची मागणी त्याच्याकडे केली होती. पण त्याने मदनने असे कोणतेही पुरावे दिले नाहीत, असं सुत्रांनी सांगितलं. 

राघवन यांनी ट्विट व फेसबुकच्या माध्यमातून राजीनाम्याबाबत माहिती दिली होती. ते म्हणाले होते की, मागील 30 वर्षांपासून मी कोणत्यासाठी लाभाची अपेक्षा न करता पक्षाची सेवा करत आहे. मला व्हिडीओची सकाळी (मंगळवारी) माहिती मिळाली. मला व पक्षाला बदनाम करण्याच्या उद्देशाने हे केलेले आहे. मी सर्व आरोप फेटाळून लावतो. याला कायद्याच्या चौकटीतून उत्तर दिले जाईल. सत्य समोर येईल,' असं राघवन यांनी म्हटलं आहे.