यवतमाळ : ठाकरे सरकारची बदनामी करणं एका एसटी कर्मचाऱ्यांला महागात पडलं आहे. याप्रकरणी त्यांचे निलंबन करण्यात आले आहे. यवतमाळ आगारातील प्रविण ज्ञानेश्वर लढी यांच्यावर निलंबनाची कारवाई करण्यात आली आहे.
शिवसेनेचे नेत, परिवहन मंत्री अनिल परब आणि महाविकास आघाडी सरकार विरोधात प्रविण ज्ञानेश्वर लढी यांनी व्हॅाट्सअॅप ग्रुपवर आक्षेपार्ह पोस्ट शेअर केली होती. ''महावसुली खंडणीखोर चोरटोळी अंबानीच्या घराशेजारी स्फोटके ठेवायला ड्रायव्हर मिळाला. ऑक्सीजन टँकरसाठी ड्रायव्हर मिळत नाही. 100 कोटी वसुली सरकार.'' अशी पोस्ट लढी यांनी व्हॅाट्सअॅप ग्रुपवर आक्षेपार्ह पोस्ट शेअर केली होती.
याप्रकरणी करण्यात आलेल्या तपासामध्ये सहकार्य करत नसल्यचा ठपकाही लढी यांच्यावर ठेवण्यात आला आहे. ता. 20 जुलै 2021 पासून लढी यांचं एसटीमधून निलंबन करण्यात आलं आहे. या कालावधीत त्यांना नियमांप्रमाणे निवार्ह भत्ता दिला जाणार आहे. निलंबन कालावधीत लढी यांनी यवतमाळ आगारामध्ये दररोज हजेरी लावावी, असेही आदेशात नमूद करण्यात आले आहे. यवतमाळ आगारातील एस. एस राठोड यांनी दिलेल्या अहवालानंतर लढी यांच्यावर निलंबनाची कारवाई करण्यात आली आहे.
मुंबई : मुंबईचे माजी पोलिस आयुक्त परमबीर सिंग यांच्या प्रकरणाचा तपास एसआयटी करणार आहे. त्यासाठी पोलिस उपायुक्तांच्या नेतृत्वाखाली एसआटीची स्थापना करण्यात आली आहे. मुंबईत दाखल दोन गुन्ह्यांमध्ये परमबीर सिंग यांच्या सहभागाबाबत ही एसआयटी तपास करणार आहे.
Edited by : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.