सतेज पाटलांना कॅबिनेट मंत्री म्हणून बढती मिळण्याची चिन्हे! - Satej Patil may promote as cabinet minister in reshuffle of Thackeray Govt | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

सतेज पाटलांना कॅबिनेट मंत्री म्हणून बढती मिळण्याची चिन्हे!

सरकारनामा ब्यूरो
शुक्रवार, 16 जुलै 2021

सतेज पाटलांसाठी अनेकांचा आग्रह... 

मुंबई : ठाकरे सरकारच्या (Thackeray Govt Reshuffle) मंत्रीमंडळ विस्ताराची पुन्हा चर्चा सुरू झाली असून यात काॅंग्रेसमध्ये जास्त बदल होणार असल्याची चिन्हे आहेत. शिवसेनेतही काही बदलांची अपेक्षा आहे. या फेरबदलात काॅंग्रेसच्या दोन मंत्र्यांना डच्चू मिळणार असून एका राज्यमंत्र्याला कॅबिनेट मंत्री म्हणून बढती मिळणार असल्याचा अंदाज आहे. गृह राज्यमंत्री सतेज पाटील यांचे नाव बढतीसाठी आघाडीवर आहे.

विधानसभा अध्यक्षपदाच्या निवडीच्या निमित्ताने काॅंग्रेसमधील पत्ते पुन्हा पिसले जाणार आहेत. यात एका विद्यमान मंत्र्याला अध्यक्षपदी विराजमान केले जाईल. त्या रिक्त पदावर नवीन तरुण रक्ताला संधी मिळू शकते. यात प्रणीती शिंदे, संग्राम थोपटे यांची नावे आघाडीवर आहेत. 

पश्चिम महाराष्ट्रात काॅंग्रेसकडे बाळासाहेब थोरात वगळता दुसरे कॅबिनेट मंत्रीपद नाही. सतेज पाटील यांची कोल्हापुरातील गोकुळच्या निवडणुकीत चांगली कामगिरी राहिली. ते पृथ्वीराज चव्हाण यांच्या मंत्रीमंडळात राज्यमंत्री होते. त्यांचा ठाकरे सरकारमध्ये पुन्हा राज्यमंत्री म्हणूनच समावेश झाला होता. मात्र आता त्यांना कॅबिनेट मंत्री म्हणून बढती देण्याचा विचार आहे. 

मनसेला धक्का; आदित्य शिरोडकर यांनी बांधले शिवबंधन

या फेरबदलासाठी अखिल भारतीय काँग्रेस समितीने नुकतेच सर्व मंत्र्यांच्या कामगिरीचे मूल्यमापन केले आहे. या आधारे हा निर्णय घेण्यात आला आहे. यात आदिवासी विकासमंत्री के. सी. पडवी यांचे नाव घेतले जात आहे. त्यांना मंत्रीपद गमवावे लागेल. त्यांचे अध्यक्षपदावर पुनर्वसन होऊ शकते किंवा त्यांना आमदार म्हणून राहावे लागेल. विदर्भातील एका मंत्र्याचेही नाव अध्यक्षपदासाठी आहे. विदर्भातील दोन मंत्र्यांवर सध्या न्यायालयीन कारवाईची टांगती तलवार आहे. त्यामुळे त्यांच्यापैकी कोणाचा राजकीय बळी जाणार का, याची शक्यता व्यक्त होत आहे. 

शिवसेनेकडील एक मंत्रीपद रिक्त आहे. माजी मंत्री संजय राठोड यांना एका आत्महत्या प्रकरणात क्लिन चिट मिळाली आहे. त्यामुळे त्यांचे राजकीय पुनर्वसन होण्याचा मार्ग खुला झाला आहे. या शिवाय विदर्भातून आशिष जयस्वाल यांना संधी देण्याची चर्चा पक्षात सुरू आहे. त्यामुळे दोन्ही पक्षांतील घडामोडींमुळे मंत्रीमंडळात काही नवीन चेहरे दिसू शकतील.

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख