नवी दिल्ली : देशातील पाच राज्यांतील निवडणुका (Election) संपल्यानंतर मोदी सरकारने (PM Modi) जनतेच्या खिशात हात घालण्यास सुरूवात केली आहे. मागील 18 दिवसांपासून पेट्रोल व डिझेलच्या दरात (Fuel Prices) वाढ करण्यात आली नव्हती. निवडणुकीमध्ये त्याचा फटका बसण्याची शक्यता लक्षात घेऊन सरकारने ही दक्षता घेतली होती. पण निवडणुकांचा निकाल (Election Results) लागल्यानंतर दोन दिवसांत इंधन दरवाढ करण्यास सुरूवात केली आहे.
पाच राज्यांतील निवडणुकांचा प्रचार रंगात येण्यापूर्वी देशात दररोज इंधन दरवाढ होत होती. त्याविरोधात विरोधकांनी रान उठवले होते. निवडणुक प्रचारातही हा मुद्दा प्रकर्षाने मांडला जात होता. काही राज्यांत पेट्रोलचे दर शंभरीपार गेल्याने मोदी सरकार बॅकफूटवर गेले होते. त्यामुळे इंधन दरवाढीला ब्रेक लावण्यात आला. निवडणुका पार पडेपर्यंत एकदाही दरवाढ झाली नाही.
अखेर निवडणुका संपल्यानंतर मोदी सरकारने संधी साधत 18 दिवसांच्या विश्रांतीनंतर पुन्हा दरवाढ करण्यास सुरूवात केली आहे. इंधन कंपन्यांनी आजपासून पेट्रोलच्या दरात 12 ते 15 पैशांनी वाढ केली आहे. तर डिझेलचे दर 15 ते 18 पैशांनी वाढले आहेत.
दिल्लीमध्ये पेट्रोलचे दर 90.55 रुपयांवरून पोहचले असून मुंबईत 96.95 रुपये झाले आहेत. मुंबईत पेट्रोल 12 पैशांनी महागले आहे. चेन्नईतही पेट्रोल 12 पैशांनी महागले असून 92.55 रुपयांवर पोहचले आहे. मुंबईतील डिझेलच्या दरात 17 पैशांनी वाढ झाली असून ते 87.98 रुपयांवर गेले आहेत.
देशात इंधरवाढीमध्ये 15 एप्रिल रोजी शेवटची कपात करण्यात आली होती. त्यावेळी पेट्रोलचे दर 16 पैशांनी तर डिझेलचे दर 14 पैशांनी कमी झआले होते. त्याआधी सलग दोन आठवडे इंधन दरात सातत्याने वाढ होत होती. देशात 24 मार्चपासून पेट्रोलच्या दरात 77 पैशांची तर डिझेलच्या दरात 74 पैशांची घट झाली होती. तर 2021 मध्ये पेट्रोलचे दर 7.46 रुपये आणि डिझेलचे दर 7.60 रुपयांनी वाढले आहेत.
Edited By Rajanand More
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.