दक्षिण सोलापूरला आगामी ५० वर्षे तरी भूमिपुत्र आमदार मिळणार नाही

सोलापूर : दक्षिण सोलापूर तालुक्‍यास आगामी किमान पन्नास वर्षे तरी भुमिपुत्र आमदार मिळणार नाही. सध्या असलेल्या व नव्या नेतृत्वात तालुक्‍याची आमदारकी मिळविण्याची क्षमता मला तरी दिसत नाही, असे खळबळजनक वक्तव्य दक्षिण सोलापूर पंचायत समितीचे माजी सभापती डॉ. चनगोंडा हाविनाळे यांनी केले. (South Solapur will not get Local MLA even for 50 years : Dr. Havinale)

भारतीय जनता पक्षाचे आमदार सुभाष देशमुख यांच्या माध्यमातून दक्षिण सोलापूर तालुक्‍याच्या विकासाला चालना मिळाली आहे. या मतदार संघातील प्रत्येक गावांत त्यांनी भक्कम यंत्रणा निर्माण केली आहे, अशी माहितीही माजी सभापती डॉ. हाविनाळे यांनी दिली. 

हेही वाचा : मंगळवेढ्यास सध्या राजकीय कोरोना झालाय, त्यास रेमडेसिव्हर देण्याची गरज  

सोलापूर दक्षिण विधानसभा मतदार संघाची 2009 च्या निवडणुकीपासून पुर्नरचना झालेली आहे. या पुर्नरचनेत आता तालुक्‍यातील ग्रामीण भागासोबच सोलापूर शहरातील मोठा भाग समाविष्ठ करण्यात आलेला आहे. आमदार सुभाष देशमुख यांनी 2014 आणि 2019 या पाच वर्षात काम करताना मतदार संघाच्या विकासासाठी जवळपास 400 कोटींहून अधिक निधी आणला आहे. दक्षिण सोलापूर तालुक्‍यात कधीच ऐवढे चांगले रस्ते नव्हते. आमदार देशमुख यांच्यामुळे दक्षिण सोलापूर तालुक्‍यातील रस्ते मजबूत झाले आहेत, अशी माहितीही डॉ. हाविनाळे यांनी या वेळी बोलताना दिली.

हेही वाचा : मोहिते पाटलांची रणनीती यशस्वी झाली अन्‌ अकलूज ग्रामपंचायतीवर नगरपरिषदेचा बोर्ड झळकला
 
आमदार सुभाष देशमुख यांच्या माध्यमातून वडापूर बॅरेजचा विषय मार्गी लागत आला आहे. या शिवाय भीमा-सीना जोड कालव्यासाठी देखील प्रयत्न सुरु आहेत. दक्षिण सोलापूर तालुक्‍यातील रस्त्यांचा प्रश्‍न मार्गी लागला आहे. आता सिंचनाचा प्रश्‍नही मार्गी लागण्याच्या मार्गावर आहे. बॅरेज आणि जोड कालवा झाल्यास दक्षिण सोलापूर तालुक्‍याचे नंदनवन होईल, असा विश्‍वासही माजी सभापती डॉ. हाविनाळे यांनी व्यक्त केला.