कुंभारीचे सरपंच राजेंद्र जाधव यांचे दातृत्व; गावासाठी विहिर खुली केली - Rajendra Jadhav opens own well for Drinking Water of Kumbhari, Nashik Politics | Politics Marathi News - Sarkarnama

ब्रेकिंग न्यूज

पंतप्रधान नरेंद्र मोदी शनिवारी सकाळी ८.३० वाजता आषाढी पौर्णिमा- धम्म चक्र दिवशी देशवासियांशी संबोधित करतील . मोदी यांनी ट्विटद्वारे याबाबत माहिती दिली आहे.
चिपळूणमध्ये : पुराचे पाणी अपरांत हाँस्पिटलमध्ये शिरले त्यामुळे वीज पुरवठा बंद झाल्यामुळे व्हेंटिलेटरवरील ८ रुग्ण दगावले.

कुंभारीचे सरपंच राजेंद्र जाधव यांचे दातृत्व; गावासाठी विहिर खुली केली

सरकारनामा ब्युरो
रविवार, 13 जून 2021

सरपंच या नात्याने राजेंद्र जाधव यांनी आपल्या स्वमालकीच्या विहिरीतील पिण्याचे पाणी भाऊसाहेब जाधव यांच्या पाइपलाइनद्वारे गावाला उपलब्ध करून दिल्याने गावाची तहान भागली आहे.

निफाड : महिनाभरापूर्वीच कुंभारी गावाला पाणीपुरवठा करणाऱ्या सर्व विहिरी व कूपनलिका या जलस्त्रोतांचे पाझर पूर्णपणे (Kumbhari village water supply source became dry) बंद झाल्याने कुंभारी गावाला पाणीटंचाईच्या तीव्र झळा (Village facing Drinking water issue) बसत होत्या. त्यातच गावालगतच असलेल्या पालखेड कालव्याला दीड महिन्यापासून पिण्याच्या पाण्याचे आवर्तन आलेले नसल्याने महिलांची पाण्यासाठी भटकंती सुरू होती. त्यातच सरपंच या नात्याने राजेंद्र जाधव (Sarpanch Rajendra Jadhav open his well) यांनी आपल्या स्वमालकीच्या विहिरीतील पिण्याचे पाणी भाऊसाहेब जाधव यांच्या पाइपलाइनद्वारे गावाला उपलब्ध करून दिल्याने गावाची तहान भागली आहे.

कुंभारी ग्रामस्थांना पिण्याच्या पाण्यासाठी भटकंती करावी लागत होती. तत्काळ पाणी उपलब्ध होईल, अशी कोणतीही उपाययोजना नव्हती. द्राक्षशेती व इतर पिकांना पाणी देत सरपंच राजेंद्र जाधव यांनी आपल्या विहिरीचे पाणी दिल्याने गावाची तहान भागण्यास मदत झाली. तीन हजारांच्या आसपास गावाची लोकसंख्या असल्याने पिण्याच्या पाण्याची मागणी दिवसेंदिवस वाढत आहे.

दर वर्षी मे, जूनमध्ये कुंभारीला तीव्र पाणीटंचाईच्या झळा बसतात. पाण्याची मागणी वाढल्याने या वर्षी त्याचा जास्त परिणाम दिसून आला. दिवसेंदिवस वाढणाऱ्या लोकसंख्येचा विचार करता नागरिकांची पिण्याच्या पाण्याची मागणी वाढणार आहे. यावर कायमस्वरूपी उपाययोजनांसाठी गावाला नव्याने पाणीपुरवठा योजना राबविणे गरजेचे आहे.

गावाची सार्वजनिक मालमत्ता असलेल्या जागेत व ज्या ठिकाणी जलस्त्रोतांचे पाझर आजही कार्यन्वित आहेत, अशा ठिकाणी नवीन विहिरींचे खोदकाम करून नवीन पाणीपुरवठा योजना कार्यान्वित करता येऊ शकतो, असे मत राजेंद्र जाधव यांनी व्यक्त केले.

...
काही महिन्यांपासून गावातील बहुतेक विकासकामे सरपंच, उपसरपंच, सर्व सदस्य व ग्रामस्थांच्या सहकार्याने सुरू आहेत. पाणीपुरवठ्याचे कामदेखील लवकरच हाती घेऊन ते पूर्ण केले जाईल.
- भरत कदम, ग्रामसेवक, कुंभारी 
...
हेही वाचा...

नाशिकला तीन दिवसांत ८०७ कोरोना मृत्यूच्या नोंदी

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख