मंगळवेढा : पंढरपूर (Pandharpur) विधानसभेच्या पोटनिवडणुकीचा निकाल लागल्यानंतर विजयी उमेदवार समाधान आवताडे (Samadhan Avtade) हे मतदारसंघातील विविध प्रश्नांच्या संदर्भात सक्रिय झाले आहेत. नवनिर्वाचित आमदार आवताडे आज (ता. ५ मे) तातडीने जिल्हाधिकारी मिलिंद शंभरकर (Collector Milind Shambharkar) यांची भेट घेत पंढरपूर-मंगळवेढा मतदार संघातील कोरोनाच्या वाढत्या संसर्गावर उपाय योजना करण्याची मागणी केली. (Pandharpur's newly elected MLA Samadhan Avtade started working)
पोटनिवडणुकीसाठीच्या निकालानंतर नूतन आमदार समाधान आवताडे हे सक्रीय झाले. त्यात ‘सरकारनामा’ने मतदार संघातील निवडणुकीचे विश्लेषण करताना आमदार समाधान आवताडे यांच्यासमोर पुढील तीन वर्षात तालुक्यातल्या रखडलेल्या प्रश्नांची आव्हाने आहेत. त्याशिवाय सगळ्यात अगोदर कोरोना संकटाचा सामना करण्याची कसोटी लागणार असल्याचे वृत्त दिले होते. त्यानंतर मंगळवारी आवताडे यांनी पंढरपुरात कोरोनाच्या संदर्भात बैठक घेऊन अधिकाऱ्यांना त्यावर सतर्क राहण्याच्या सूचना केल्या होत्या.
पंढरपूर, मंगळवेढा तालुक्यात ऑक्सिजनचा पुरवठा कमी होत असल्याबाबत आज सकाळी टेंभुर्णी येथील ऑक्सिजन प्रकल्पाला भेट देऊन तेथील अडचणी जाणून घेतल्या. त्यानंतर त्यांनी जिल्हाधिकारी मिलिंद शंभरकर यांची माजी पालकमंत्री विजयकुमार देशमुख यांच्यासमवेत भेट घेतली.
मतदारसंघातील कोरोना रुग्णांसाठी नवीन कोविड सेंटर उभारणे, पंढरपूर-मंगळवेढा या दोन्ही तालुक्यांत कोरोना तपासणीचे (टेस्टिंगचे) प्रमाण वाढविणे, ऑक्सिजनचा वाढीव साठा उपलब्ध करून देण्यास जिल्हाधिकारी शंभरकर यांनी सहमती दिली. सध्या रूग्णांची वाढती संख्या व त्याप्रमाणात अपुरी पडणारी रेमडेसिव्हीर इंजेक्शन, वेळेत उपलब्ध न होणारा ऑक्सिजन व लसींचा अपुरा पुरवठा यावरही चर्चा करण्यात आली. याबाबत जिल्हाधिकाऱ्यांनी लक्ष घालावे, अशी विनंतीही आमदार आवताडे यांनी केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.