काळा वेश, काळा मास्क, काळी फित; मराठा आंदोलनाची नियमावली  - Black dress, black mask, black ribbon ... Rules of Maratha movement | Politics Marathi News - Sarkarnama

ब्रेकिंग न्यूज

शरद पवार आज अमित शहांच्या भेटीला, शहांकडे सहकार खात्याचा कारभार आल्यानंतरची पहिलीच भेट

काळा वेश, काळा मास्क, काळी फित; मराठा आंदोलनाची नियमावली 

सरकारनामा ब्यूरो
मंगळवार, 15 जून 2021

कोल्हापुरनंतर संपूर्ण महाराष्ट्रात ही आंदोलनाची मशाल जाणार आहे. नाशिक, संभाजीनगर, अमरावती, आणि कोकण असे पाहिल्या टप्प्यात आंदोलने होतील. जर सरकारने मराठा समाजाच्या मागण्या मान्य केल्या नाहीत. तर त्यानंतर पुणे  लालमहाल ते मुंबई विधानभवन 'लाँग मार्च' होणार आहे. पहिल्या टप्प्यातील ज्या जिल्ह्यात आंदोलन होईल, त्यानंतर तिथेच 'लाँग मार्च' च्या तयारीसाठी प्रमुख पदाधिकाऱ्यांसोबत बैठक होईल. 

कोल्हापूर : सर्वोच्च न्यायालयाच्या निर्णयानंतर पर्याय शोधून मराठा समाजाचे आरक्षण Maratha Reservation पुनर्प्रस्थापित करण्याची जबाबदारी राज्य सरकारसोबत केंद्र सरकारचीही आहे. या भूमिकेवर समाज ठाम असून या जबाबदारीची जाणीव करून देण्यासाठी सर्व पक्षिय लोकप्रतिनिधींना बोलते करण्याचे आंदोलन समाजाने संभाजीराजे छत्रपती Sambhaji Chhatrapati यांच्या नेतृत्वात होत आहे. या आंदोलनाचे रणशिंग कोल्हापुरच्या Kolhapur ऐतिहासिक राजर्षी शाहू समाधी स्थळावरून उद्या (बुधवार) फुंकले जात आहे. कोल्हापूरसह महाराष्ट्रातील विविध जिल्ह्यांतून या आंदोलनाची मशाल धगधगणार आहे. Black dress, black mask, black ribbon ... Rules of Maratha movement

कोल्हापुरनंतर संपूर्ण महाराष्ट्रात ही आंदोलनाची मशाल जाणार आहे. नाशिक, संभाजीनगर, अमरावती, आणि कोकण असे पाहिल्या टप्प्यात आंदोलने होतील. जर सरकारने मराठा समाजाच्या मागण्या मान्य केल्या नाहीत. तर त्यानंतर पुणे  लालमहाल ते मुंबई विधानभवन 'लाँग मार्च' होणार आहे. पहिल्या टप्प्यातील ज्या जिल्ह्यात आंदोलन होईल, त्यानंतर तिथेच 'लाँग मार्च' च्या तयारीसाठी प्रमुख पदाधिकाऱ्यांसोबत बैठक होईल. 

हेही वाचा : मायावतींना मोठा धक्का; अखिलेश यादव बसपला खिंडार पाडण्याच्या तयारीत

सकल मराठा समाजाने पुकारलेल्या या आंदोलनाचा परिणाम व्हावा, यासाठी आंदोलनाच्या नेतृत्वाने केंद्र आणि राज्य सरकारच्या या मुद्यावर असलेल्या जबाबदारीचे वर्गीकरण करून ती प्रामाणिकपणे पार पाडून मराठा समाजाला न्याय देण्याची नितिमत्ता सिध्द करावी, असे आवाहन संभाजीराजे छत्रपती यांनी केले आहे. 

या आहेत आंदोलनातील मागण्या...

 1) राज्य सरकारने सर्वोच्च न्यायालयात पुनर्विलोकन याचिका (रिव्ह्यू पीटिशन) दाखल करावी. गायकवाड आयोगाच्या शिफारसींचा बचाव करावा, न्यायालयाने रिव्ह्यू पीटिशन अमान्य केल्यास तर दुसरा पर्याय क्युरेटीव्ह पिटीशनचा (curative petition) पर्याय उपलब्ध आहे.

2) केंद्र सरकार ची जबाबदारी निश्चित करण्याच्या दृष्टीने सर्वोच्च न्यायालयाने एक व्यवस्था दिली आहे. त्याकरिता 338 b नुसार राज्याने प्रस्ताव तयार करून राज्यपालांच्या माध्यमातून राष्ट्रपतींकडे तो पाठवावा. राष्ट्रपती त्यांच्या अधिकारात त्याला मंजुरी देऊ शकतात किंवा राष्ट्रीय मागासवर्ग आयोगाकडे विचारार्थ पाठवतील. त्यानंतर तो प्रस्ताव संसदेत चर्चेला येईल. मग आपण केंद्र सरकार कडे पाठपुरावा करू शकतो. या संदर्भात लोकप्रतिनिधी कोणती भूमिका घेणार आहेत?

3) राज्य शासनाने जो नवीन राज्य मागासवर्ग आयोग स्थापन केला आहे, त्यासंदर्भात मराठा समाजाचे काही प्रश्न आहेत. त्याबाबत सरकार ने तत्काळ भूमिका जाहीर करावी 4) मराठा आरक्षणासाठी कळीचा मुद्दा बनलेली संविधानात 50 टक्केची जी मर्यादा आहे, त्याबाबत लोकप्रतिनिधींनी आपली भूमिका जाहीर करावी.

5) सारथी' संस्थेची कार्यालये प्रत्येक महसुली विभागात सुरू करावीत व त्या अंतर्गत प्रत्येक जिल्ह्यात 'सारथी' संस्थेची उपकेंद्रे सुरू करावीत.प्रत्येक जिल्हयात सारथी उपकेंद्र सुरू करून त्याठिकाणी शिक्षण, संशोधन व प्रशिक्षणाचे उपक्रम राबवावेत. मनुष्यबळ व पायाभूत सुविधा उभारण्यासाठी 'सारथी' संस्थेला कमीतकमी एक हजार कोटी रुपयांची तरतूद करावी. सारथी संस्थेचा कणा असणारा 'तारादूत' प्रकल्प तात्काळ सुरू करावा. सर्वात महत्वाचे म्हणजे 'सारथी' ची स्वायत्तता पुन्हा बहाल करावी. 

6) आण्णासाहेब पाटील महामंडळाला कमीत कमी दोन हजार कोटी रूपये निधी उपलब्ध करून देण्यात यावा. लाभार्थी पात्रतेसाठी असलेल्या अटी शिथिल कराव्यात व ही प्रक्रिया अधिक सुलभ करावी. आण्णासाहेब पाटील महामंडळमार्फत व्याज परताव्याची १० लाख रूपयांची मर्यादा वाढवून ती किमान २५ लाख रूपये करावी. 

7) मराठा समाजातील विद्यार्थ्यांना शहरामध्ये शिक्षण घेत असताना आर्थिक अडचणींमुळे राहण्याची व जेवणाची सोय होत नाही. यासाठी सध्या शासनाकडून पंजाबराव देशमुख वसतीगृह निर्वाह भत्ता दिला जातो. मुंबई, नागपूर, पुणे अशा महानगरांत शिकणाऱ्या विद्यार्थ्यांना ३००० रूपये व इतर ठिकाणी शिकणाऱ्या विद्यार्थ्यांना २००० रूपये प्रति महिना दिले जातात, ही रक्कम वाढवावी.

शासनाकडून मागासवर्गीय वसतीगृहांच्या धर्तीवर मराठा विद्यार्थ्यांसाठी देखील पहिल्या टप्प्यात किमान प्रत्येक जिल्हा मुख्यालयाच्या ठिकाणी कायमस्वरूपी वसतीगृहांची उभारणी करावी. 8) आरक्षणाचा प्रश्न मार्गी लागेपर्यंत मराठा विद्यार्थ्यांसाठी सर्व शैक्षणिक अभ्यासक्रमांमध्ये Super Numerary Seats निर्माण कराव्यात.

9) २०१६ मध्ये कोपर्डीच्या भगिनीवर अमानुष अत्याचार झाला. २०१७ मध्ये आरोपींवरील गुन्हे सिद्ध होऊन त्यांना फाशीच्या शिक्षेची सुनावणी झाली. तेव्हापासून आजपर्यंत हा विषय प्रलंबित आहे. त्यामुळे महाराष्ट्र शासनाने तात्काळ याविषयी उच्च न्यायालयात 'स्पेशल बेंच' च्या स्थापनेची मागणी करून हा विषय तात्काळ निकाली लावावा. 10) काकासाहेब शिंदे यांच्यासह सर्वच आत्मबलिदान दिलेल्या मराठा कुटुंबियांना मदत व त्यांच्या कुटंबातील एका व्यक्तीला सरकारी नोकरी दिली जावी.
 

आंदोलनातील आचारसंहिता....
१६ जुनपासून मराठा क्रांती मूक आंदोलनाचे दुसरे पर्व राजर्षी शाहू समाधी स्थळ कोल्हापूर येथून प्रारंभ होत आहे. त्याची आचारसंहिताही जाहीर करण्यात आली आहे. यामध्ये काळ्या रंगाची वेषभुषा, दंडावर काळी फीत बांधणे,  काळा मास्क वापरणे. (No Mask No Entry) असा गणवेश घालूनच मराठा आंदोलकांनी सहभागी होण्याचे आवाहन करण्यात आले आहे. 

पावसाची शक्यता लक्षात घेऊन काळी छत्री, sanitizer सोबत ठेवून त्याचा वापर करणे. आंदोलन स्थळी आपल्यामुळे इतरांना त्रास होईल असे कोणतेही वर्तन न करणे, कोरोनाचे नियम कसोशीने पाळणे अशी सक्त ताकीद समन्वयकांनी दिली आहे. मराठा समाजाने यापूर्वी 58 मूक मोर्चा वेळी आपल्या वर्तनाने जगात आदर्श निर्माण केला होता. तोच आदर्श घेऊन यापुढेही वाटचाल करणे क्रमप्राप्त आहे. मराठा समाज हा लढवय्या समाज आहे. परंतु आपली ती शक्ती विचारपूर्वक वापरणे काळाची गरज आहे, असे आवाहन सकल मराठा क्रांती मोर्चाने केले आहे.

मराठा क्रांती मूक आंदोलन रूपरेषा

 स्थळ : राजर्षी शाहू महाराज समाधी स्थळ, नर्सरी बाग, कोल्हापूर. सकाळी नऊ : महाराष्ट्रातील सर्व समन्वयकांनी आंदोलन स्थळी पोहचणेए, सकाळी 9:50 : समन्वयक, तरादुत, नोकर भरतीची मुले आणि लोकप्रतनिधींनी स्थानापन्न होणे, 
10:00 : छत्रपती शिवाजी महाराज आणि राजर्षी छत्रपती शाहू महाराजांच्या प्रतिमेला युवराज संभाजीराजे छत्रपती यांच्या हस्ते पुष्पहार अर्पण करून राजर्षी छत्रपती शाहू महाराजांच्या समाधीला अभिवादन करून मराठा क्रांती मूक आंदोलनास सुरुवात.
 
 10:10 : लोकप्रतिनिधींनी राजशिष्टाचारनुसार मनोगत किंवा आपापली जबाबदारी निश्चित करण्यास सुरुवात करतील. 1:00 : राष्ट्रगीताने मराठा क्रांती मूक आंदोलनाची सांगता. 1:15 : महाराष्ट्रातील समन्वयक आणि जिल्हा समन्वयक यांच्यासोबत 'लाँग मार्च' संदर्भात चर्चा करण्यासाठी बैठक. यामध्ये संभाजीराजे छत्रपती मार्गदर्शन करतील.

 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख