दहावी निकालाची वेबसाईट क्रॅश प्रकरणाची पाच सदस्यीय समितीकडून चौकशी.. - A five-member committee is investigating the website crash case of the 10th verdict. | Politics Marathi News - Sarkarnama

ब्रेकिंग न्यूज

शरद पवार आज अमित शहांच्या भेटीला, शहांकडे सहकार खात्याचा कारभार आल्यानंतरची पहिलीच भेट

दहावी निकालाची वेबसाईट क्रॅश प्रकरणाची पाच सदस्यीय समितीकडून चौकशी..

सरकारनामा ब्युरो
रविवार, 18 जुलै 2021

वेबसाईट सुरू झाली तरी वांरवार ती बंद पडत असल्याने विद्यार्थी आणि पालकांना मनस्ताप सहन करावा लागला.

औरंगाबाद ः शिक्षण विभागाने दहावीचा निकाल शनिवारी दुपारी एक वाजता जाहीर केला. मात्र वेबसाईट क्रॅश झाल्यामुळे विद्यार्थ्यांना सांयकाळपर्यंत निकाल पाहताच आला नाही. रात्री उशीरा वेबसाईट सुरू झाली तरी वांरवार ती बंद पडत असल्याने विद्यार्थी आणि पालकांना मनस्ताप सहन करावा लागला. (A five-member committee is investigating the website crash case of the 10th verdict.) शिक्षण विभागाची देखील यामुळे नाचक्की झाली.

शिक्षणमंत्री वर्षा गायकवाड यांनी या प्रकाराची गंभीर दखल घेतली असून यासाठी पाच सदस्यीय चौकशी स्थापन करण्यात आली आहे. आता या संपुर्ण प्रकरणाची चौकशी या समितीमार्फत केली जाणार आहे.( Education Minister Varsha Gaikwad Maharashtra)

या समितीच्या अध्यक्षपदी  महाराष्ट्र शिक्षण विभागाचे आयुक्त, पुणे  यांची अध्यक्ष म्हणून निवड करण्यात आली आहे. तर सदस्य म्हणून  सचिव, माहिती व तंत्रज्ञान विभाग, मंत्रालय, मुंबई यांचे प्रतिनिधी, उपसचिव (उद्योग), उद्योग उर्जा व कामगार विभाग,मंत्रालय,  तांत्रिक सल्लागार, शालेय शिक्षण व क्रिडा विभाग,मंत्रालय,मुंबई,  उपसंचालक (प्रशासन), आयुक्त शिक्षण महाराष्ट्र राज्य, पुणे यांचे कार्यालय सचिव यांचा समोवश करण्यात आला आहे.  या समितीने आपला अहवाल १५ दिवसात शासनास सादर करायाचा आहे

या बाबी तपासल्या जाणार..

- निकालापूर्वी अध्यक्ष, महाराष्ट्र राज्य माध्यमिक व उच्च माध्यमिक शिक्षण मंडळ यांनी सर्व सबंधितांसोबत बैठक आयोजित केली होती किंवा कसे?

- निकाल घोषित करण्यासंबंधात राज्य मंडळातील संबंधित तांत्रिक सल्लागारांना याबाबत पूर्वसूचना देण्यात आली होती का?

- संकेतस्थळाची देखभाल करणाऱ्या संबंधीत कंपनीला निकाल घोषित करण्याबाबत
पूर्वसूचना देण्यात आली होती का? 

- इयत्ता १० वी च्या परीक्षेला प्रविष्ठ झालेल्या विद्यार्थ्यांची संख्या खुप मोठी असल्यामुळे निकाल घोषित करण्याच्या अनुषंगाने संकेतस्थळाची पूर्व तपासणी (Trial run) करण्यात आली होती का? ४.

- निकाल घोषित करण्यासाठी आवश्यक असलेल्या क्षमतेच्या सर्वरचा (Server) वापर
करण्यात आला होता का? 

- भविष्यात अशाप्रकारची आपत्कालिन परिस्थिती उद्भवू नये यासाठी उपाय योजना सूचित करणे...

- राज्यमंडळाचे संकेतस्थळ कोलमडल्यामुळे निर्माण झालेल्या परिस्थितीसाठी जबाबदार संबंधित अधिकारी / कर्मचारी यांच्यावर जबाबदारी निश्चित करणे.

हे ही वाचा ः टिपू सुलतान नामकरणावरून शिवसेना-भाजपमध्ये वादंग..

Edited By : Jagdish Pansare
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख