माझी वसुंधरा पुरस्कारात कराड पालिका राज्यात दुसरी

ग्रामपंचायत, नगरपंचायत, पालिका व महापालिका अशा स्तरावरील निकाल जाहीर झाला. त्यात कऱ्हाड पालिकेचा राज्यात दुसरा क्रमांक आला आहे. मागील वर्षीही कऱ्हाड पालिका पहिल्या क्रमांकावर होती. या वर्षी स्पर्धेचे निकष बदलून झालेल्या स्पर्धेतही कऱ्हाड पालिकेला पहिल्या तीन क्रमांकात आपले नाव टिकवण्यात यश आले आहे.
माझी वसुंधरा पुरस्कारात कराड पालिका राज्यात दुसरी
Karad Palika is second in the state in my Vasundhara award

कऱ्हाड : माझी वसुंधरा पुरस्कारात पालिका गटात 222 पालिकामध्ये कऱ्हाड पालिकेने राज्यात दुसऱ्या क्रमांकाला गवसणी घातली आहे. जागतिक पर्यावरण दिनानिमित्त माझी वसुंधरा अभियान पुरस्कार सोहळा आज ऑनलाईन पद्धतीने जाहीर झाला. त्याच पद्धतीने त्याचे वितरणही झाले. मुंबई येथे ऑनलाईन पद्धतीने हा कार्यक्रम झाला. Karad Palika is second in the state in my Vasundhara award

यावेळी उपमुख्यमंत्री अजित पवार, ग्रामविकास मंत्री हसन मुश्रीफ, महसूल मंत्री बाळासाहेब थोरात, पर्यावरण मंत्री आदित्य ठाकरे उपस्थित होते. कऱ्हाडहून नगराध्यक्ष सौ. रोहिणी शिंदे, उपाध्यक्ष जयवंत पाटील, जनशक्तीचे गटनेते राजेंद्र यादव, लोकशाही आघाडीचे गटनेते सौरभ पाटील, लोकशाही आघाडीचे गटनेते विनायक पावसकर, मुख्याधिकारी रमाकांते डाके यांनी ऑनलाईन सहभाग घेतला होता. 

पर्यावरण विभागाच्या मुख्य सचिव सौ. मनिषा म्हैसकर यांनी सुत्रसंचालन केले. ग्रामपंचायत, नगरपंचायत, पालिका व महापालिका अशा स्तरावरील निकाल जाहीर झाला. त्यात कऱ्हाड पालिकेचा राज्यात दुसरा क्रमांक आला आहे. मागील वर्षीही कऱ्हाड पालिका पहिल्या क्रमांकावर होती. या वर्षी स्पर्धेचे निकष बदलून झालेल्या स्पर्धेतही कऱ्हाड पालिकेला पहिल्या तीन क्रमांकात आपले नाव टिकवण्यात यश आले आहे.

कऱ्हाड पालिकेशिवाय हिंगोली पालिकेचा पहिला तर जामनेर (जि. जळगाव) पालिकेचा तिसरा क्रमांक आला आहे. निकाल जाहीर होताच पालिकेत कर्मचाऱ्यांनी आनंद साजरा करत फटाक्यांची आतषबाजी केली. कऱ्हाड पालिकेचा तिसरा क्रमांक आल्याने मुख्याधिकारी रमाकांत डाके यांचे पेढा भरवून नगराध्यक्षा रोहिणी शिंदे यांनी अभिनंदन करत आनंद व्यक्त केला. यावेळी पालिकेचे पदाधिकारी व सहकारी उपस्थित होते. 

मलकापूरचेही यश 

नगरपंचयात गटाचे निकाल जाहीर झाले. त्यात कऱ्हाड तालुक्यातील मलकापूर पालिकेचा नगरपंचायत गटात तिसरा क्रमांक पटकवला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in