Nalasopara Crime News : तब्बल चौतीस वर्षांआधी बांधकाम व्यावसायिक सुरेश दुबे यांचा खून घडून आला होता. सुरेश दुबे खूनप्रकरणी भाई ठाकूर, दीपक ठाकूर गजानान पाटील या तिघांचीही टाडा खटल्यामधून निर्दोष मुक्तता करण्यात आली आहे. या प्रकरणावर विशेष न्यायाधीश सत्यनारायण नावंदर यांनी आज निकाल देत, तिघांची निर्दोष मुक्तता केली. (Latest Marathi News)
चौतीस वर्षांपूर्वी बांधकाम व्यावसायिक सुरेश दुबे यांचा नालासोपारा रेल्वे स्टेशनवर खून झाला होता. या खटल्यात भाई ठाकूर, दीपक ठाकूर यांना अटक करण्यात आली होती. यापूर्वी या प्रकरणात एकूण सहा जणांना जन्मठेपेची शिक्षा सुनावण्यात आली आहे. विशेष म्हणजे हे महाराष्ट्रातलं शेवटचं टाडा प्रकरण होतं.
या दुबे खून प्रकरणात विशेष सरकारी वकील सतीश मिश्रा यांनी काम पाहिले. तर बचाव पक्षाचं काम वकील सुदीप पासबोला, तसेच वकील सुधीर शहा, वकील रोहन नहार, वकील प्रीतेश खराडे, वकील सचिन पाटील, वकील रोहित तुळपुळे यांनी काम पाहिले. त्याचप्रमाणे दिवंगत ज्येष्ठ विधिज्ञ श्रीकांत शिवदे यांनीसुद्धा या खटल्यात काम केले होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
