गांधी जयंतीदिनी कन्हैया अन् मेवाणी होणार काँग्रेसवासी

काँग्रेसकडून प्रत्येक राज्यात ताकद वाढविण्यासाठी तरूण नेत्यांना आपल्याकडे ओढण्यासाठी प्रयत्न सुरू केले आहेत.
गांधी जयंतीदिनी कन्हैया अन् मेवाणी होणार काँग्रेसवासी
Kanhiaya Kumar, Jignesh MevaniSarkarnama

नवी दिल्ली : भारतीय कम्युनिस्ट पक्षाचा (CPI) नेता व जवाहरलाल नेहरू विद्यापीठाच्या विद्यार्थी संघटनेचा माजी अध्यक्ष कन्हैया कुमार तसेच गुजरातमधील अपक्ष आमदार जिग्नेश मेवाणी काँग्रेसच्या वाटेवर आहे. महात्मा गांधी (Mahatma Gandhi) जयंतीदिनी (ता. 2 ऑक्टोबर) हे दोघेही काँग्रेसमध्ये दाखल होणार असल्याचे पक्षातील सुत्रांनी सांगितले. (Kanhaiya Kumar & Jignesh Mevani will join congress soon)

कन्हैया व राहुल गांधी यांची दोनदा भेट झाली आहे. काँग्रेसमध्ये येण्याबाबत वाटाघाटी सुरू असून त्या अंतिम टप्पायात आहेत, असे बिहारमधील काँग्रेसच्या एका नेत्यानं काही दिवसांपूर्वीच सांगितलं होतं. कन्हैया कुमार हा मुळचा बिहारचा असल्यानं या राज्यात त्याच्यामागे कार्यकर्त्यांची फौज आहे. तसेच काँग्रेसमध्ये येता डाव्या पक्षांती काही नेतेही त्याच्यासोबत येण्याची शक्यता व्यक्त केली जात आहे.

Kanhiaya Kumar, Jignesh Mevani
नव्या मुख्यमंत्र्यांना हटवण्याची काही तासांतच सोनियांकडं मागणी

कन्हैया कुमार याने 2019 मध्ये भाजपचे नेते व केंद्रीय मंत्री गिरीराज सिंग यांच्याविरोधात बिहारमधील बेगुसराई मतदारसंघातून निवडणूक लढवली होती. पण या निवडणुकीत कन्हैयाचा पराभव झाला होता. मागील तीन दशकांपासून बिहारमधील काँग्रेसच्या विधानसभेच्या जागा सातत्याने कमी होत आहेत. मागील निवडणुकीत काँग्रेसला निवडणूक लढवलेल्या 70 पैकी केवळ 19 जागा मिळाल्या.

गुजरातमधून जिग्नेश मेवानी यांना प्रवेश देत काँग्रेस एका दगडात दोन पक्षी मारणार आहे. मेवानी यांना मानणारा मोठा दलित वर्ग आहे. मागील निवडणुकीतही काँग्रेसनं त्यांच्याविरोधात उमेदवार दिला नव्हता. मेवानी काँग्रेसमध्ये आल्यास दलित चेहरा मिळणार आहे. त्यांना काँग्रेसमध्ये कार्यकारी अध्यक्षपद दिलं जाऊ शकतं, असं सुत्रांनी सांगितलं.

गुजरातमधील मागील निवडणुकीत काँग्रेसचा निसटता पराभव झाला होता. ही कसर भरून काढण्यासाठी पक्षाकडून प्रयत्न केले जात आहेत. गुजरामध्ये 2022 मध्ये विधानसभा तर देशात 2024 मध्ये लोकसभा निवडणुका होणार आहेत. त्यासाठी काँग्रेसकडून प्रत्येक राज्यात ताकद वाढविण्यासाठी तरूण नेत्यांना आपल्याकडे ओढण्यासाठी प्रयत्न सुरू केले आहेत. त्यामध्ये बिहार व गुजरातमध्ये पहिलं यश मिळणार असल्याचं सुत्रांनी सांगितलं.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.