सचिन पायलट यांना दिल्लीवासी करण्याची काँग्रेसची खेळी पण... - congress may offer big party post in delhi for sachin pilot-sj84 | Politics Marathi News - Sarkarnama

ब्रेकिंग न्यूज

आमदार आशुतोष काळे शिर्डी संस्थानचे अध्यक्ष तर उपाध्यक्षपदी जगदीश सावंत यांची नियुक्ती
माजी पोलिस आयुक्त परमबीर सिंह यांची याचिका फेटाळली
जगातील प्रभावशाली व्यक्तींमध्ये नरेंद्र मोदी, ममता बॅनर्जी, अदर पूनावाला
तिरुपती देवस्थान ट्रस्टच्या सदस्यपदी शिवसेनेच्या मिलिंद नार्वेकरांची वर्णी
अभिनेता सोनू सूदच्या घरावर आयकर विभागाचा छापा

सचिन पायलट यांना दिल्लीवासी करण्याची काँग्रेसची खेळी पण...

वृत्तसंस्था
शनिवार, 31 जुलै 2021

राजस्थानचे मुख्यमंत्री अशोक गेहलोत आणि सचिन पायलट यांच्यातील वाद सुरूच आहे. या वादावरील तोडग्याला आता अंतिम स्वरुप दिले जात आहे. 

नवी दिल्ली : राजस्थानचे (Rajasthan) मुख्यमंत्री अशोक गेहलोत (Ashok Gehlot) आणि सचिन पायलट (Sachin Pilot) यांच्यातील वाद सुरूच आहे. या वादावरील तोडग्याला आता अंतिम स्वरुप दिले जात आहे. पायलट यांना काँग्रेस (Congress) पक्षात केंद्रीय पातळीवर महत्वाचे स्थान देण्याचा प्रस्ताव आहे. परंतु, यासाठी खुद्द पायलट हेच राजी नसून, राजस्थानमध्येच थांबण्याची भूमिका त्यांनी घेतली आहे, अशी माहिती सूत्रांनी दिली. 

राज्यातील काँग्रेसमध्ये सुरू असलेल्या वादावर तोडगा काढण्याची प्रक्रिया आता अंतिम टप्प्यात आली आहे. पायलट यांना पक्षाच्या केंद्रीय नेतृत्वात महत्वाचे पद देण्याचा प्रस्ताव आहे. पायलट यांनी यासाठी नकार कळवला आहे. त्यांनी राज्यातच राहण्याची भूमिका पक्षाला कळवली आहे. पुढील विधानसभा निवडणूक 2023 मध्ये होणार असून, यासाठी आतापासूनच तयारी करण्याचे कारण पायलट यांनी दिले आहे, अशी माहिती सूत्रांनी दिली. 

मंत्रिमंडळात फेरबदल होणार असून, अनेक मंत्र्यांना डच्चू मिळणार आहे. त्याजागी मंत्रिमंडळात नवीन चेहऱ्यांना संधी दिली जाणार आहे. यात पायलट समर्थकांना झुकते माप मिळण्याची शक्यता आहे. पक्षाचे प्रभारी अजय माकन यांनी याबद्दल संकेत दिले आहेत. त्यांनी म्हटले आहे की, मी राज्यातील अनेक मंत्र्यांनी भेटलो आहे. त्यांनी मंत्रिपद सोडण्याची तयारी दर्शवली आहे. पुढीव विधानसभा निवडणुकीसाठी त्यांनी आतापासूनच पूर्ण वेळ पक्षाचे काम करण्याची तयारी दर्शवली आहे. 

मागील काही दिवसांपासून गेहलोत आणि पाललट गटामध्ये संघर्ष वाढला होता. काही दिवसांपूर्वी सचिन पायलट हे दिल्लीतही गेले होते. त्यांनी केलेल्या मागण्यांवर वर्षभरानंतरही पक्षाने निर्णय न घेतल्याने ते नाराज आहेत. या पार्श्वभूमीवर काँग्रेस प्रभारी अज माकन हे नुकतेच राज्यात  दाखल झाले होते. त्यांची गेहलोत यांच्यासह पायलट गटाचीही बैठक घेतली होती. पायलट समर्थकांना पक्ष संघटनेत आणि सरकारमध्ये स्थान देण्याबाबत या बैठकीत चर्चा झाली होती. यातच सिद्धू यांचे बंड पंजाबमध्ये यशस्वी पायलट यांनी पक्ष नेतृत्वावर दबाव टाकण्यास सुरवात केली आहे. 

हेही वाचा : जगातील सर्वांत मोठी जलवाहतूक कोंडी करणारं जहाज अखेर चार महिन्यांनी मुक्कामी 

पायलट यांनी मंत्रिमंडळात समर्थक आमदारांना जास्त प्रतिनिधित्व मिळावे, अशी मागणी लावून धरली आहे. परंतु, मुख्यमंत्री अशोक गेहलोत यांनी याला विरोध केला आहे. राजस्थानध्ये मंत्रिमंडळात 30 पर्यंत मंत्री असू शकतात. सध्या मुख्यमंत्री गेहलोत यांच्यासह 21 मंत्री आहेत. सरकारमध्ये सध्या 9 मंत्रिपदे रिक्त आहेत. पायलट यांनी ही सर्व मंत्रिपदे समर्थकांसाठी मागितली आहेत. मात्र, मुख्यमंत्री अशोक गेहलोत यांनी याला नकार दिला आहे.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख