Ganesh Thombare
विधानसभा उपाध्यक्ष नरहरी झिरवळ हे त्यांच्या साध्या राहणीमानामुळे कायमच चर्चेत असतात. आता जपानमध्येही त्यांची क्रेझ दिसून आली आहे.
राष्ट्रकुल संसदीय मंडळ महाराष्ट्र शाखा आयोजित अभ्यास दौर्‍यासाठी काही आमदार जपानला गेले होते. यामध्ये नरहरी झिरवळ यांचाही समावेश होता.
जपान दौर्‍यादरम्यान एअरपोर्टवर झिरवळ सपत्निक आपल्या अस्सल पारंपारिक मराठी वेशभूषेमध्ये पाहायला मिळाले. त्यांच्या या फोटोची चांगलीच चर्चा झाली.
जपानला अभ्यास दौर्‍यावर गेल्यानंतर देखील अस्सल मराठमोळ्या वेशात मिस्टर आणि मिसेस झिरवळ पाहायला मिळाले. त्यांच्या या साधेपणाचं कौतुक होत आहे.
नरहरी झिरवळ हे नाशिकमधील दिंडोरी विधानसभा मतदारसंघाचे आमदार आहेत. आदिवासी बहुल भागातील जनतेचे ते प्रतिनिधित्व करतात.
2001 मध्ये जिल्हा परिषदेवर निवडून आले. तर 2004, 2014, 2019 च्या विधानसभा निवडणुकीत ते राष्ट्रवादीच्या तिकीटावर तिसऱ्यांदा आमदार झाले.
झिरवळ सध्या विधानसभेचे उपाध्यक्ष आहेत.
राष्ट्रवादीचे अध्यक्ष शरद पवार यांचे निकटवर्तीय म्हणून नरहरी झिरवळ यांना ओळखलं जातं.