सरकारनामा ब्यूरो
भाजपचे ज्येष्ठ नेते व हिमाचल प्रदेशचे माजी मुख्यमंत्री प्रेमकुमार धुमाल यांचे पुत्र अनुराग ठाकूर हिमाचलमधील हमीरपूरचे लोकसभामतदारसंघातून खासदार आहेत.
महाराष्ट्राचे माजी मुख्यमंत्री व विद्यमान उपमुख्यमंत्री देवेंद्र फडणवीस हे गंगाधरपंत फडणवीस यांचे पुत्र आहेत. गंगाधरपंत हे विधानपरिषदेवर आमदार होते. तसेच फडणवीस यांची काकू शोभा फडणवीस या ही राज्यामध्ये मंत्री पदावर कार्यरत होत्या.
भाजपाचे दिवंगत नेते व माजी केंद्रीय मंत्री गोपीनाथ मुंडे यांच्या दोन्ही कन्या राजकारणात आहेत. पंकजा मुंडे या राज्याच्या मंत्री होत्या. तर वडीलांच्या निधनानंतर बीडमधून प्रितम मुंडे या खासदार म्हणून निवडून आले.
भाजपाचे दिवंगत नेते प्रमोद महाजन यांची कन्या पूनम महाजन या मुंबईतून खासदार म्हणून निवडून आल्या आहेत. ते सलगपण दोनवेळा खासदारपदी निवडून आले.
भाजप नेते विजयकुमार गावित यांची कन्या हिना गावित या ही राजकारणात सक्रिय आहेत. २०१४ आणि २०१९ च्या लोकसभा निवडणुकीत नंदुरबार मतदारसंघातून त्या खासदार म्हणून निवडून आल्या.
भाजप नेत्या वसुंधराराजे यांचे बंधू माधवराव शिंदे हे ही काँग्रेसचे दिग्गज नेते होते. त्यांचे पुत्र ज्योतिरादित्य शिंदे यांनी भाजपप्रवेश केला आहे.
भाजपच्या नेत्या वसुंधरा राजे यांची बहीण यशोधरा राजे शिंदे या ही मध्य प्रदेश शिवराजसिंग चौहान यांच्या सरकारमध्ये मंत्रीपदी कार्यरत होत्या.
भाजप नेत्या वसुंधराराजेंच्या घराण्यामधील राजकीय घराणेशाही ही मुळात त्यांची आई विजयाराजे यांच्यापासून सुरू होते. विजया राजे खासदारपदी निवडून आल्या होत्या. जनसंघ त्यानंतर भाजपाच्या स्थापनेपासून ते राजकारणात सक्रिय होत्या.
छत्तीसगडचे माजी मुख्यमंत्री असलेले भाजपचे बडे नेते रमणसिंग यांचे पुत्र अभिषेकसिंग हे लोकसभेमध्ये खासदारपदी ही राहिलेले होते.
भाजपा बडे नेते आणि दिल्लीचे माजी मुख्यमंत्री साहिब सिंग वर्मा यांचे पुत्र पर्वेश वर्मा दिल्ली मतदारसंघातून १६ व्या लोकसभेत निवडून आले होते.
उत्तर प्रदेशमधून आमदार असणारे आणि उत्तर प्रदेश भाजप कार्यकारिणीत सचिवपदी जबाबदारी सांभाळणारे पंकज सिंग हे गृहमंत्री राजनाथ सिंग याचे पुत्र आहेत.
राजस्थानचे राज्यपाल राहिलेले व भाजपचे बडे नेते दिवंगत कल्याणसिंग यांचे पुत्र राजीव सिंग हे भाजपाचे खासदार आहेत.