सरकारनामा ब्यूरो
'मोदी'आडनावावर केलेल्या वादग्रस्त विधानामुळे काँग्रेसचे नेते, राहुल गांधी यांना आपली खासदारकी गमवावी लागली आहे. राहुल गांधी यांच्यापूर्वीही काही लोकप्रतिनिधींवर अशा प्रकारची कारवाई झाली होती.
जयललिता : तामिळनाडूच्या दिवंगत माजी मुख्यमंत्री जयललिता यांची २००२ मध्ये भष्ट्राचार प्रकरणी तर २०१४ मध्ये आयकर विभागाच्या केलेल्या कारवाईमुळे त्यांची दोन वेळा आमदारकी रद्द करण्यात आली होती.
लालू प्रसाद यादव : माजी केंद्रीय मंत्री लालू प्रसाद यादव यांना ३ आँक्टोबर २०१३ मध्ये चारा गैरव्यवहार प्रकरणात शिक्षा सुनावण्यात आली त्यामुळे त्यांचे लोकसभा सदस्यत्व रद्द करण्यात आले होते.
आजन खान : समाजवादी पक्षाचे ज्येष्ठ नेते आजम खान यांना वादग्रस्त विधान केल्याप्रकरणी शिक्षा सुनावण्यात आली होती. त्यामुळे त्यांची आमदारकी रद्द करण्यात आली होती.
विक्रम सैन : भाजपचे आमदार सैन यांना २०१३ मध्ये मुजफ्फरपूर दंगल प्रकरणात दोन वर्ष शिक्षा सुनावण्यात आल्यानंतर त्यांची आमदारकी रद्द करण्यात आली होती.
कुलदीप सिंह सैंगर : उन्नाव विधानसभा मतदारसंघातील भाजपचे आमदार सैंगर यांच्यावर एका अल्पवयीन मुलीवर बलात्कार प्रकरणात शिक्षा सुनावण्यात आली होती. या प्रकरणात त्यांना आमदारकी गमवावी लागली.
महमंद फैजल : गेल्या 13 जानेवारी रोजी लक्षव्दीप सत्र न्यायालयाने एका खूनप्रकरणी राष्ट्रवादीचे फैजल यांना दोषी ठरवले होते. त्यांच्यावर लोकसभा सचिवालयाने कारवाई करुन खासदारकी रद्द केली होती. त्यांना पोटनिवडणुक लढविण्यास मनाई केली होती.