सरकारनामा ब्यूरो
शिवसेनेच्या खासदार प्रियंका चतुर्वेदी यांचा जन्म 19 नोव्हेंबर, 1979 झाला. त्या मूळच्या उत्तर प्रदेशातील आहेत.
त्यांना लेखनाची मोठी आवड आहे. त्यांनी तेहेल्का मासिक, 'डीएनए' वृत्तपत्र आणि 'फर्स्टस्पॉट'मध्ये लेखन केले आहे.
राजकारणात येण्यापूर्वी त्यांनी 'एमपॉवर कन्सल्टन्ट मीडिया, पीआर आणि इव्हेंट मॅनेजमेंट' कंपनीत संचालक म्हणून काम केलं आहे.
पुस्तकांचं विश्लेषण करणारा ब्लॉगही त्या लिहितात. हा ब्लॉग देशातल्या पहिल्या 10 ब्लॉगपैकी एक आहे.
प्रियंका चतुर्वेदी दोन स्वयंसेवी संस्था चालवतात. या संस्थेच्या माध्यमातून मुलांचं शिक्षण, महिला सशक्तिकरण आणि आरोग्याशी निगडित समस्यांवर संस्थेमार्फत काम केले जाते.
प्रियंका चतुर्वेदी यांनी 2010 मध्ये काँग्रेसमध्ये प्रवेश केला. त्या काँग्रेसच्या सदस्य आणि राष्ट्रीय प्रवक्त्या होत्या.
काँग्रेसच्या काही ज्येष्ठ नेत्यांनी चतुर्वेदींशी गैरवर्तणूक केली, या गंभीर प्रकरणाची पक्षानं दखल घेतली नसल्याचा आरोप करत त्यांनी पक्षाला रामराम ठोकला होता.
19 एप्रिल, 2019 मध्ये शिवसेनेत प्रवेश केला. शिवसेनेतील प्रवेशानंतर त्यांनी अतिशय आक्रमकपणे शिवसेनेची बाजू मांडली आहे.