सरकारनामा ब्यूरो
प्रसिध्द बॉलिवूड अभिनेत्री उर्मिला मातोंडकर यांचा आज (4 फेब्रुवारी ) 49 वा वाढदिवस आहे.
1977 मध्ये बालकलाकार म्हणून चित्रपटसृष्टीत आपल्या कारकिर्दीला सुरूवात केली.
उर्मिला यांनी अवघ्या नऊ वर्षाच्या वयात मराठी, तेलुगू, तमिळ आणि मल्याळम भाषेतील चित्रपटामध्ये काम केले.
उर्मिला यांनी 'नरसिंह' चित्रपटातून अभिनेत्री म्हणून पदार्पण केले. खऱ्या अर्थाने 1995 मध्ये रामगोपाल वर्मा यांच्या 'रंगीला' या चित्रपटाच्या यशाने त्यांची कारकीर्द नव्या उंचीवर पोहोचवली.
2019 मध्ये काँग्रेसमध्ये प्रवेश करत मुंबई उत्तर मतदारसंघातून लोकसभा निवडणूक त्यांनी लढवली. परंतु त्यांना पराभवाला सामोरे जावे लागले.
पक्षांतर्गत राजकारणाला कंटाळून त्यांनी काँग्रेसला रामराम ठोकला. तत्कालीन मुख्यमंत्री उद्धव ठाकरे, रश्मी ठाकरे यांच्या उपस्थितीत त्यांनी शिवसेनेचे शिवबंधन हाती बांधून घेत शिवसेनेत प्रवेश केला.
मातोंडकर यांनी 1 डिसेंबर 2020 रोजी शिवसेनेत प्रवेश केला होता.
अभिनेत्री कंगना राणावत यांच्या भूमिकांना आव्हान दिल्यानंतर गेल्या दोन ते तीन महिन्यांपासून उर्मिला मातोंडकर पुन्हा एकदा चर्चेत आल्या.
मुंबई पोलिसांवर टीका केल्यानंतर कंगना राणावत यांनी मुंबईला पाकव्याप्त काश्मीरची उपमा दिली. यानंतर उर्मिला मातोंडकर यांनी माध्यमांना दिलेल्या मुलाखतीत कंगनावर निशाणा साधला होता.
नुकताच त्यांनी राहुल गांधी यांच्या भारत जोडो यात्रेत सहभाग घेतला होता.