Deepak Kulkarni
छत्रपती शिवाजी महाराजांचा ३५० वा राज्याभिषेक दिन तिथीनुसार आज( दि.२) रायगडावर धुमधडाक्यात साजरा होत आहे.
मनसे अध्यक्ष राज ठाकरे आपल्या कुटुंबासमवेत सकाळीच रायगडावर दाखल झाले होते. या सोहळ्याला किल्ले रायगडावर शिवप्रेमींचा सागर लोटला आहे.
छत्रपतींच्या ३५० व्या राज्याभिषेक सोहळ्याला सकाळपासून सुरुवात झाली.
या सोहळ्यावेळी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, खासदार उदयनराजे भोसले यांच्या हस्ते छत्रपती शिवरायांच्या मूर्तीची विधिवत पूजन व आरती करण्यात आली.
यावेळी राज्यभरातून आलेल्या शिवप्रेमींकडून 'छत्रपती शिवाजी महाराज की जय'च्या जयजयकारांनी आसमंत दुमदुमला.
रायगडावर शिवराज्याभिषेक दिनाच्या निमित्ताने आयोजित करण्यात आलेल्या सोहळ्यासाठी अवघ्या रायगडावर फुलांची आकर्षक सजावट करण्यात आली आहे.
छत्रपती शिवरायांच्या बसलेल्या स्थितीतील चांदीचा पूर्णाकृती पुतळा पालखीसाठी सजवण्यात आला.
पोलिसांच्या वतीने छत्रपती शिवाजी महाराजांना मानवंदना देण्यात आली.
खासदार उदयनराजे भोसले यांची प्रतापगड प्राधिकरणाची मागणी यावेळी मुख्यमंत्र्यांनी मान्य केली.
विविध ढोलपथकांनी देखील याठिकाणी वादन केले. हा सोहळा डोळ्याचे पारणे फेडणारा राहिला.