सरकारनामा ब्यूरो
चार - पाचवर्षांपूर्वी 'जेसिंडा अर्डर्न' हे नाव न्यूझीलंडबाहेर फारसे कुणाला माहित नव्हते.
कमी वेळातच त्यांचा अंतराष्ट्रीय राजकारणामध्ये दबदबा निर्माण झाला.
करोना काळात त्यांनी केलेल्या कामामुळे त्याचे नाव जगभरात झाले.
२०१७ साली वयाच्या 37 व्या वर्षी अर्डर्न या न्यूझीलंडच्या सर्वात तरुण महिला पंतप्रधान बनल्या.
कोरोना महामारी, दोन मस्जिदींवर दहशतवादी हल्ला, ज्वालामुखी विस्फोट अशा खडतर काळातही न्यूझीलंडचं नेतृत्व जेसिंडा अर्डर्न यांनी यशस्वीपणे केलं होतं.
अर्डर्न यांनी 19 जानेवारी 2023 मध्ये पक्षाच्या वार्षिक बैठकीत, त्या पंतप्रधान पदाचा राजीनामा देणार असल्याची घोषणा त्यांनी केली, तेव्हा सर्वांनाच आश्चर्याचा धक्का बसला होता.
'पंतप्रधान पदावर राहून जबाबदारी पार पाडण्याची शक्ती आता माझ्याकडे नाही, त्यामळे मी लवकरच राजीनामा देणार आहे', असे म्हणत त्यांनी राजीनाम्याची घोषणा केली.
7 फेब्रुवारी 2023मध्ये त्यांच्या पंतप्रधान पदाचा कार्यकाळ संपण्यापूर्वी त्यांनी ही घोषणा केली होती.
न्यूझीलंडच्या पंतप्रधान असतांना 2019 मध्ये त्यांनी भारत दौरा केला होता.