पुणे : जिल्हा पोलिस अधीक्षक संदीप पाटील यांनी एकाच दिवसात शिरूर तालुक्यातील दोन बड्या नेत्यांवर कारवाई केली आहे. त्यामुळे शिरूरमध्ये खळबळ उडाली आहे.
राष्ट्रवादी काॅंग्रेसचे प्रदेश उपाध्यक्ष मंगलदास बांदल यांच्याविरुद्ध फसवणुकीचा गुन्हा दाखल झाला आहे. या संदर्भात एका महिने फिर्याद दिली आहे. हे प्रकरण बरीच वर्षे जुने होते. बांदल यांचा तालुक्यात वेगळ्या अर्थाने दबदबा असल्याने त्यांच्याविरुद्ध आतापर्यंत तक्रार झाली नव्हती. अखेरीस या प्रकरणी तब्बल 90 लाख रूपयांची फसवणूक झाल्याचा गुन्हा दाखल झाला.
दुसरी अशीच कारवाई तालुक्यातील नेत्यावर झाली आहे. जिल्हा परिषदेचे सदस्य राजेंद्र जगदाळे यांच्यावर सावकारकीचा गुन्हा दाखल झाला आहे. त्यांनी व त्यांच्या लुंकड नावाच्या साथीदाराने पैशासाठी दिलेल्या त्रासाने तक्रारदाराला आत्महत्येची वेळ आली होती. त्यांच्यावरही अखेरीस कारवाई झाली. तालुक्यातील राजकीय नेत्यांवर एकाच दिवशी कारवाई झाल्याने सर्वत्र याच प्रकरणांची चर्चा आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.