गाडी अडवली म्हणून पिंपरीत पोलिसांना मारहाण 

नाकाबंदीच्या ठिकाणी तपासणीसाठी मोटार थांबविल्याच्या रागातून एकाने पोलिसांना मारहाण केली. तसेच, पोलिसांच्या वाहनातून नेत असताना डोके आपटून या वाहनाची काच फोडली.
youth attacked on police in Pimpri
youth attacked on police in Pimpri

पिंपरी : नाकाबंदीच्या ठिकाणी तपासणीसाठी मोटार थांबविल्याच्या रागातून एकाने पोलिसांना मारहाण केली. तसेच, पोलिसांच्या वाहनातून नेत असताना डोके आपटून या वाहनाची काच फोडली. ही घटना बोपखेल येथे घडली. 

महेंद्र रवींद्र वाघमारे (वय 45, रा. रामनगर, बोपखेल) असे मारहाण करणाऱ्याचे नाव आहे. या प्रकरणी पोलिस हवालदार संजय कामठे यांनी फिर्याद दिली. रविवारी (ता.10) सायंकाळी साडेपाचच्या सुमारास फिर्यादी व इतर पोलिसांनी बोपखेल फाटा येथील नाकाबंदीच्या ठिकाणी आरोपीची मोटार तपासणीसाठी थांबविली होती. या रागातून वाघमारे याने फिर्यादीच्या गालावर थप्पड मारली, तर पोलिस कॉन्स्टेबल उमेश जाधव यांना दगड फेकून मारत धक्काबुक्की, शिवीगाळ करून इतरांनाही दगड मारण्याचा प्रयत्न केला. त्यानंतर वाघमारे याला ताब्यात घेऊन पोलिसांच्या वाहनातून नेत असताना त्याने वाहनाच्या काचेवर डोके आपटून काच फोडली. दिघी पोलिसांनी त्याला अटक केली असून अधिक तपास सुरू आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com