पुणे : तालुका स्तरावर सीईटी घेता येईल का, याचा विचारही होत आहे. सीईटीबाबत अभियान सुरू असून येत्या सात ते आठ दिवसांत निर्णय होईल, अशी माहिती राज्याचे उच्च व तंत्रशिक्षण मंत्री उदय सामंत यांनी पत्रकारांशी बोलताना दिली.
शिक्षक/ प्राध्यापक प्रशिक्षण प्रबोधिनीस उच्च व तंत्रशिक्षण मंत्री उदय सामंत यांनी आज भेट दिली. त्यानंतर ते पत्रकारांशी बोलत होते. उदय सामंत म्हणाले की सीईटी ही स्वायत्त संस्था आहे. त्यामुळे त्यांना वैयक्तिक अधिकार आहेत. सद्याची स्थिती पाहून सीईटी रद्द करण्याचा विचार करत आहोत. मात्र याबाबत चर्चा करून निर्णय घेतला जाईल.
कोरोनामुळे अंतिम वर्षाच्या परीक्षा रद्द झाल्या आहेत. याबाबत उद्या न्यायालयात तारीख आहे. या पार्श्वभूमीवर सामंत यांना विचारले असता ते म्हणाले, "याबाबत उद्या न्यायालयात तारीख आहे. त्यामुळे त्या विभागाचा प्रमुख म्हणून आज मी त्यावर बोलणं उचित नाही. जो विचार पूर्वी केला होता, तोच विचार आता करत आहोत. कोरोनाचा वाढता संसर्ग पाहता परीक्षा घेता येणार नाहीत, आणि हेच प्रतिज्ञापत्र आम्ही न्यायालयासमोर सादर केले आहे."
सामंत म्हणाले, "प्राध्यापक आणि शिक्षक यांनी आधुनिक ज्ञान घ्यावे, या उद्देशाने टीचर ट्रेनिंग अकॅडमीची स्थापना झाली आहे. अॅकॅडमी एक डिसेंबरला सुरू करण्याचे ठरविण्यात आले असं आहे. महाराष्ट्रातील सर्व शिक्षकांना पुण्यात विद्या दान मिळणार आहे."
हेही वाचा : उद्योगांचे जाळे विस्तारल्याने 'या' शहराला पसंती
नाशिक : मुंबई, पुणे, नाशिक व ठाणे या मुंबई पासून नजीक असलेल्या भागात सर्वाधिक बांधकामांची नोंद झाल्याने महाराष्ट्रात सर्वाधिक नागरीकरणाचा पट्टा म्हणून उदयाला आला आहे. देशात सर्वाधिक नागरीकरण होत असलेल्या महाराष्ट्रात पुणे जिल्ह्यात सर्वाधिक नागरीकरण वाढत असल्याचे ‘महारेरा’कडे नोंदणी झालेल्या मोठ्या बांधकामांच्या प्रकल्प नोंदणीवरून स्पष्ट होत आहे. त्याखालोखाल मुंबई, ठाणे, रायगड, पालघर जिल्ह्यात बांधकामांच्या प्रकल्पांची नोंदणी झाली आहे. गेल्या दोन वर्षांत ‘महारेरा’कडे नोंदणी झालेल्या प्रकल्पांवरून मुंबई, पुणे, नाशिक या सुवर्ण त्रिकोणासह मुंबई परिसरातील जिल्ह्यांमध्ये घरे खरेदीला सर्वाधिक पसंती मिळत आहे. पुणे जिल्ह्यात ऑटोमोबाईल सह माहिती व तंत्रज्ञानाशी संबंधित उद्योगांचे जाळे विस्तारल्याने व या कंपन्यांमध्ये अधिक वेतन असल्याने वाढलेल्या क्रयशक्तीतून या भागात घरे घरेदीकडे कल वाढला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.