योगेश मुळीक यांना अप्पा या टोपण नावाने वडगावशेरी परिसरात ओळखले जाते. मितभाषी, अभ्यासू, संयमी व सर्वांना बरोबर घेऊन जाणारा म्हणून त्यांची ओळख आहे. महानगरपालिकेच्या योजना ते नागरिकांपर्यंत पोचवून त्यांचा लाभ ते मिळवून देतात.
2017 मध्ये झालेल्या महानगरपालिका निवडणुकीत ते वडगावशेरीतील प्रभाग 5 मधून भाजपचे नगरसेवक म्हणून ते निवडून आले आहेत. त्यांचा प्रभागात इतर तीनही नगरसेवक भाजपचे निवडून आले आहेत. यापूर्वी 2012 मध्येही ते नगरसेवक म्हणून निवडून आले होते. मार्च 2018 मध्ये ते स्थायी समितीच्या अध्यक्षपदी त्यांची निवड झाली. आमदार जगदीश मुळीक हे त्यांचे बंधू आहेत. वडगावशेरी परिसरात अनेक पायाभूत सुविधा निर्माण करण्यात मुळीक बंधूंचा मोठा वाटा आहे. यापूर्वी वडगावशेरी परिसरात पायाभूत सुविधांचा अभाव होता. मागील काही वर्षात अनेक विकासाची कामे राबवून पुणे शहराचे एक चांगले उपनगर म्हणून वडगाव शेरी विकसित झाले आहे. पाणी, वीज, रस्ते कचरा समस्या या प्राथमिक सुविधांवर त्यांनी या परिसरात भरीव काम केले आहे.
योगेश मुळीक यांच्या कार्यकाळात ब्रह्मा सनसिटीसमोर सहा एकर जागेवर आधुनिक उद्यान त्यांनी उभारले आहे. हे उद्यान विकसित करण्यासाठी त्यांनी 12 कोटीहून अधिक निधी खर्च केला आहे. या उद्यानात दोन 750 मीटरचे जॉगिंग ट्रॅक तयार केले आहेत. आधुनिक फुलराणी (बुलेटट्रेन), म्युझिकल कारंजे, लेसर शो, ओपन जीम, लहान मुलांसाठी विविध खेळण्याचे साहित्य, ऍक्‍युप्रेशर ट्रॅक इ. सुविधा निर्माण केल्या आहेत. ग्रंथालये सुरू केली आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.