नागपूर : यवतमाळ जिल्हा परिषदेच्या सभापती निवडणुकीतही भाजप-कॉंग्रेस व राष्ट्रवादी कॉंग्रेसची आघाडी कायम राहिली. भाजप, कॉंग्रेस व राष्ट्रवादी कॉंग्रेसला प्रत्येकी एक सभापतींचे पद मिळाले. त्याचप्रमाणे अपक्ष सदस्यांनाही सभापती म्हणून सामावून घेण्यात आले. या राष्ट्रवादी कॉंग्रेसचे नेते मनोहर नाईक यांच्या गटाला काहीही मिळाले नाही.
शिवसेनेला दूर ठेवण्यासाठी यवतमाळ जिल्हा परिषदेमध्ये अध्यक्षपदाच्या निवडणुकीत कॉंग्रेस-भाजप-राष्ट्रवादी कॉंग्रेस अशी आघाडी झाली होती. यात कॉंग्रेसला अध्यक्षपद मिळाले तर उपाध्यक्षपद भाजपला गेले. सभापतींच्या निवडणुकीत या पक्षांनी समान वाटपाचे सूत्र कायम राखले. यात अर्थ व बांधकाम सभापतिपद राष्ट्रवादी कॉंग्रेसचे निमिष मानकर यांना मिळाले. मानकर हे माजी आमदार संदीप बाजोरीया गटाचे मानले जातात.
महिला व बाल कल्याण सभापतिपद कॉंग्रेसच्या अरुणा खंडाळकर यांना तर समाज कल्याण सभापतिपदी भाजपच्या प्रज्ञा भूमकाळे यांची निवड झाली. अपक्ष नंदिनी दरणे यांना शिक्षण व आरोग्य सभापती देण्यात आले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.