नागपूर : यवतमाळ जिल्ह्यातील बहुसंख्य पंचायत समित्यांच्या सभापती-उपसभापतिपदाच्या निवडणुकीसाठी शिवसेना व राष्ट्रवादी कॉंग्रेसने एकत्र येऊन सत्ता संपादन केली आहे. सेनेने भाजपला व राष्ट्रवादीने कॉंग्रेसला या निवडणुकांत दोन हात दूर ठेवल्याचे चित्र दिसून आले आहे.
जिल्ह्यात एकूण 16 पंचायत समित्यांमधील सभापती व उपसभापतिपदासाठी निवडणूक पार पडली. यात सर्वाधिक पंचायत समित्या शिवसेनेने पटकावल्या. जिल्ह्यातील
6 पंचायत समित्यांवर सेनेने भगवा फडकावला. जिल्हा परिषद निवडणुकीत फारसा प्रभाव दाखवू न शकलेल्या कॉंग्रेसनेही या निवडणुकीत 5 पंचायत समित्यांवर
कब्जा केला. भाजपला 4 तर राष्ट्रवादी कॉंग्रेसला एकाच पंचायत समितीमध्ये सत्ता संपादन करता आली. राळेगाव पंचायत समितीचा निकाल ईश्‍वरचिठ्ठीवर लागला.
यात कॉंग्रेसचा उमेदवार नशीबवान ठरला. आर्णी पंचायत समितीमध्ये कॉंग्रेस व भाजपची आघाडी झाली. सेनेला दूर ठेवण्यासाठी कॉंग्रेस भाजपने आघाडी केली.
पक्षनिहाय पंचायत समित्यांचे सभापती :
शिवसेना- यवतमाळ, नेर, दारव्हा, उमरखेड, पांढरकवडा, दिग्रस
कॉंग्रेस- राळेगाव, महागाव, मारेगाव, आर्णी, कळंब,
भाजप- वणी, घाटंजी, बाभूळगाव, झरीजामणी,
राष्ट्रवादी- पुसद
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.