लखनौ - पद्मावती चित्रपटावरून देशभरात वाद सुरु असताना आता कर्णी सेनेचे प्रमुख लोकेंद्र नाथ यांनी पद्मावती चित्रपटावरून दीपिका पदुकोनची भडकाविण्याची वृत्ते सुरुच राहिली तर तिचे नाक कापून टाकू, असा इशारा दिला आहे. तसेच दीपिकाचा 'नाचनेवाली' असा उल्लेख केला.
दीपिका पदुकोन, रणवीरसिंग आणि शाहिद कपूर यांची प्रमुख भूमिका असलेला पद्मावती हा चित्रपट 1 डिसेंबरला प्रदर्शित होणार आहे. या चित्रपटाला रजपूत समाजाचा विरोध आहे. या सिनेमात राणी पद्मावती आणि सम्राट अलाउद्दीन खिलजी यांच्यातील संबंध दाखवण्यात आले आहेत. त्यामुळे विविध राजपूत संघटनांनी याला विरोध करत निषेध केला. हा विरोध काही केल्या थांबण्याची चिन्हे दिसत नसल्याने दीपिकाने यावर उघडपणे नाराजी व्यक्त केली आहे. तसेच तिने सिनेमाचे प्रदर्शन होणारच असे ठामपणे सांगत 'पद्मावती'ला विरोध ही भारतीयांची अधोगती असल्याचे विधान तिने केले होते.
यावरून नाराज झालेल्या कर्णी सेनेने दीपिकाला लक्ष्य केले आहे. तसेच त्यांनी दिग्दर्शक संजय लिला भन्साळी यांच्यावर आरोप केले आहेत. लोकेंद्र नाथ म्हणाले, की पद्मावती चित्रपटातून हिंदूंच्या भावना भडकाविण्याचे काम करण्यात आले आहे. भन्साळी यांच्या चित्रपटांना दुबईतून मदत केली जाते. पाकिस्तानमध्ये वास्तव्यास असलेल्या दाऊद इब्राहिमच्या संपर्काद्वारे दुबईतून निधी पुरविला जातो. पद्मावती चित्रपटाला कोणत्याही परिस्थितीत प्रदर्शित होऊ देणार नाही.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.