नाशिक : यंदाच्या विधानसभा निवडणूकीत आम्हाला झेपणार नाही एवढे बुहमत मिळेल.विरोधी पक्ष सैरभैर आहेत. त्यांचा ढोल फुटणार आहे, असा दावा जलसंपदा मंत्री गिरीश महाजन यांनी येथे केला.
येथील गणेशोत्सव विसर्जन मिरवणुकीला मंत्री महाजन यांच्या हस्ते श्रीफळ वाढवून प्रारंभ झाला. यावेळी ते म्हणाले. ''गणपती आम्हाला पावलेला आहे. तो नेहेमीच चागंले काम करणा-यांच्या पाठीशी असतो. त्यामुळे यंदा त्याच्याकडे काहीही न मागता त्याने आम्हाला भरभरुन दिले आहे. लोकसभेच्या निकालापेक्षाही चांगला निकाल यावेळी विधानसभा निवडणुकीचा असेल. आम्हाला प्रचंड बहुमत मिळेल. झेपावणार नाही एव्हढे बहुमत मिळेल. विरोधी पक्ष सैरभैर झाले आहेत. ते सगळ्यांना दिसतेच आहे. त्यांचा यंदा ढोल वाजणारच नाही. त्यांचा ढोल फुटेल.''
यावेळी महापौर रंजना भानसी, उपमहापौर प्रथमेश गिते, आमदार बाळासाहेब सानप, आणदार देवयानी फरांदे, आमदार सीमा हिरे, शहराध्यक्ष गिरीश पालवे, लक्ष्मण सावजी आदी उपस्थित होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.