अमरसिंह पंडित यांनी पाठपुरावा केला अन॒ ऐन सणाच्या तोंडावर शेतकऱ्यांच्या हाती लक्ष्मी आली

गेवराई (जि. बीड) : माजी आमदार तथा राष्ट्रवादी काँग्रेसचे प्रदेश सरचिटणीस अमरसिंह पंडित यांनी पाठपुरावा करुन शेतकऱ्यांचे हक्काचे सव्वा कोटी रुपयांचे अनुदान मिळवून दिले. तालुक्यातील अंतरवली बु. येथील  शेतकऱ्यांचे एक वर्षापासून अनुदान रखडले होते. ऐन महालक्ष्मी सणाच्या तोंडावर शेतकऱ्यांच्या हाती लक्ष्मी आली आली. 

अनुदानाचा धनादेश तलाठी श्री. सुलाखे यांनी तलवाडा येथील जिल्हा मध्यवर्ती सहकारी बँकेच्या शाखेत दाखल केला. त्यामुळे शेतकऱ्यांच्या आनंदाला उधाण आले आहे. शेतकऱ्यांचे सिंचन, दुष्काळी अनुदान, दुष्काळी शेतकऱ्यांचे विविध प्रश्नांवर अमरसिंह पंडित यांचा कायम पाठपुरावा असतो. असेच गेवराई तालुक्यातील अंतरवाली येथील शेतकऱ्यांचे अनुदान वर्षभरापासून रखडले होते. उपसरपंच किरण वावरे यांनी यासाठी अमरसिंह पंडित यांना साकडे घातले. अमरसिंहांनीही हा विषय हाती घेतला आणि शासन - प्रशासनाकडे प्रयत्न केले. अखेर वर्षभरापासून रखडलेले सव्वा कोटी रुपयांचे अनुदान शेतकऱ्यांना मंजूर झाले. 

गौरी गणेशाच्या आमणावेळीच मंजूर अनुदानाचा धनादेश बँकेत जमा झाला. त्यामुळे आता ऐन महालक्ष्मी सणाच्या वेळेला शेतकऱ्यांच्या हाती लक्ष्मी पडणार आहे. इकडे अनुदान मंजूरीचा धनादेश तलाठ्याने बँकेत जमा करताच उपसरपंच किरण वावरे, सरपंच दिपक उमप, सुरेश वावरे, कृष्णा वावरे, अंकुश वावरे, अजिंक्य वावरे, डॉ. अरविंद जाधव, बबन वावरे आदींसह शेतकऱ्यांनी अमरसिंह पंडित यांची भेट घेऊन पेढे भरविले.
Edited By - Amit Golwalkar