आजचा वाढदिवस : आमदार सुरेश उर्फ राजू मामा भोळे
जळगाव ; पक्षाचा साधा कार्यकर्ता ते नगरसेवक, आमदार आणि जिल्हाध्यक्ष अशी वाटचाल जळगाव येथील भाजप आमदार (Bjp) व विद्यमान भाजप जिल्हाध्यक्ष सुरेश उर्फ राजुमामा भोळे (MLA Suresh Bhole) यांची आहे. (Today birthday: MLA Suresh Bhole)
सामाजिक कार्याची आवड असल्याने गणेशोत्सव मंडळाच्या माध्यमातून ते कार्यकरीत होते. पुढे भारतीय जनता पक्षाचे कार्यकर्त म्हणून सामाजिक कार्य सुरू ठेवले. याच कामाच्या बळावर ते जळगाव नगरपालिकेचे नगरसेवक झाले, पुढे महापालिकेचे भाजपचे विरोधी पक्ष नेता झाले.
२०१४ मध्ये विधानसभा निवडणुकीत भारतीय जनता पक्षाने त्यांना जळगाव विधानसभा मतदार संघातून उमेदवारी दिली. आणि ते विजयी झाले. जळगाव विधानसभेतून तब्बल नऊ वेळा निवडून आलेले दिग्गज आमदार सुरेशदादा जैन यांचा त्यांनी पराभव केल्याने राज्यात त्यांची जायंट किलर म्हणून ओळख झाली. सर्वसामान्य माणसाला सहज भेटणे हा त्यांचा महत्त्वाचा गुण असल्याने या संपर्कामुळे त्यांच्या आमदारकीचे कार्य दिसून आले. पुढे जळगाव महापालिकेवर भारतीय जनता पक्षाचा झेंडा फडकला आणि त्यांच्या पत्नी सीमा भोळे महापौर झाल्या.
२०१९ मध्ये विधानसभा निवडणुकीत भारतीय जनता पक्षाने त्यांना जळगाव विधानसभा मतदार संघातून पुन्हा उमेदवारी दिली आणि आपल्या कार्याच्या बळावर ते दुसऱ्यांदा आमदार म्हणून विजयी झाले. पक्षाने त्यांना जिल्हाध्यक्ष पदाची जबाबदारी दिली आहे भारतीय जनता पक्षाचे नेते एकनाथ खडसे यानी पक्ष सोडल्यामुळे पक्षाचे नेते आमदार गिरीश महाजन यांच्या सोबत त्यांना जिल्ह्यात पक्षाची ताकद कायम टिकविण्याचे आव्हान आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.