इराणच्या संसदीय निवडणुकीसाठी मतदान सुरू 

तेहरान : १९७९ च्या इस्लामिक क्रांती नंतरच्या ११ व्या संसदीय निवडणुकीसाठी इराणमध्ये आज (ता.२१) मतदानाला सुरुवात झाली आहे.

देशाची उद्ध्वस्त झालेली अर्थव्यवस्था, देशात वाढलेला भ्रष्टाचार आणि बेकारीच्या मुद्द्यावर ही निवडणूक होण्याची शक्यता असून अध्यक्ष हसन रुहानी यांच्या पुराणमतवादी धोरणांवर नाराज असलेल्या जनतेतून त्यांच्या विरोधात मोठ्या प्रमाणात मतदान होण्याची शक्यता वर्तवण्यात येते आहे.