जगातील सर्वांत मोठ्या क्रिकेट स्टेडियमचे गुजरातमध्ये उद्घाटन अन् त्याला नरेंद्र मोदींचे नाव!

अहमदाबाद : येथील मोटेरा क्रिकेटचे नूतनीकरण करण्यात आले असून, त्याला आता जगातील सर्वांत मोठे क्रिकेट स्टेडियम बनवण्यात आल आहे. राष्ट्रपती रामनाथ कोविंद यांच्या हस्ते या स्टेडियमचे उद्घाटन झाले. या स्टेडियमचे नाव आधी सरदार पटेल स्टेडियम होते. आता त्याते नाव बदलून नरेंद्र मोदी स्टेडियम करण्यात आले आहे. 

या कार्यक्रमाला केंद्रीय गृहमंत्री अमित शहा, केंद्रीय क्रीडा मंत्री किरण रिजीजू , अमित शहांचे पुत्र व भारतीय क्रिकेट नियामक मंडळाचे (बीसीसीआय) सचिव जय शहा हे उपस्थित होते. अमित शहा हेसुद्धा आधी गुजरात क्रिकेट असोसिएशनचे अध्यक्ष होते. 

When I went to Australia in Nov 2018, I learnt that 90,000-seater Melbourne Cricket Ground was the largest in world. It is a proud moment for India today that Motera's 1,32,000-seater stadium has become the world's largest cricket stadium: President Ram Nath Kovind in Ahmedabad pic.twitter.com/p7IoBsHjyf

— ANI (@ANI) February 24, 2021

नवीन नरेंद्र मोदी स्टेडियम हे जगातील सर्वांत मोठे क्रिकेट स्टेडियम बनले आहे. उद्धाटन झाल्यानंतर आज लगेचच स्टेडियमवर आंतरराष्ट्रीय सामना सुरू झाला आहे. ही कसोटी सामना भारत आणि ब्रिटन यांच्यात आहे. अहमदाबाद शहरात सरदार वल्लभभाई पटेल क्रीडा संकुलाचे उभारणी करण्याचे नियोजन असून, स्टेडियम हा त्यातील एक भाग आहे. 

या वेळी बोलताना राष्ट्रपती रामनाथ कोविंद म्हणाले की, पंतप्रधान नरेंद्र मोदी हे गुजरातचे मुख्यमंत्री असताना त्यांनी या स्टेडियमची संकल्पना मांडली होती. हे स्टेडियम म्हणजे पर्यावरणपूरक विकासाचे उदाहरण आहे. 

Coupled with Sardar Vallabhbhai Patel Sports Enclave & Narendra Modi Stadium in Motera, a sports complex will also be built in Naranpura. These 3 will be equipped to host any international sports event. Ahmedabad to be known as the 'sports city' of India: Union Home Min Amit Shah pic.twitter.com/4qkn4gBs04

— ANI (@ANI) February 24, 2021

या वेळी अमित शहा म्हणाले की, आ स्टेडियमची क्षमता 1 लाख 32 हजार आहे. एकाच वेळी एवढे लोक या स्टेडियममध्ये बसून क्रिकेट पाहू शकतात. हे जगातील सर्वांत मोठे स्टेडियम बनेल. सरदार वल्लभभाई पटेल क्रीड संकुल आणि नरेंद्र मोदी स्टेडियमच्या माध्यमातून अहमदबादची ओळख क्रीडाशहर अशी होईल. येथे ऑलिपिंकही होऊ शकेल. 

Edited by Sanjay Jadhav