नरेंद्र मोदी क्वारंटाइन होणार का..?

नई दिल्ली: अयोध्या रामजन्मभूमी ट्रस्टचे अध्यक्ष महंत नृत्य गोपाल दास यांचा कोरोना तपासणीचा अहवाल पॅाझिटिव्ह आला आहे. गेल्या पाच तारखेला राम मंदिर भूमिपूजन सोहळ्यासाठी ते पंतप्रधान नरेंद्र मोदी यांच्यासोबत व्यासपीठावर उपस्थित होते. त्यामुळे आता पंतप्रधान नरेंद्र मोदी हे क्वारंटाइन होणार का ? याबाबत चर्चा सुरू आहे. 

महंत नृत्य गोपाल दास यांचे शिष्य अवधेश उपाध्याय यांनी सांगितले की गोपाल दास महाराज यांची तब्बेत खराब झाली असून त्यांना श्वास घेण्यास त्रास होत असल्याचे त्यांना उपचारासाठी रूग्णालयात दाखल करण्यात आले आहे. त्यांचा कोरोना अहवाल पॅाझिटिव्ह आला आहे.

उत्तरप्रदेशचे मुख्यमंत्री योगी आदित्यनाथ यांनी महंत नृत्य गोपाल दास यांच्या उपचाराबाबत जिल्ह्याधिकारी आणि वैद्यकीय अधिकाऱ्यांसोबत चर्चा केली आहे. महंत नृत्य गोपाल दास हे कृष्ण जन्माष्टमी कार्यक्रमासाठी मथुरा येथे उपस्थित होते. मंगळवारी मथुरा येथील सिताराम मंदिरात त्यांचा मुक्काम होता, असे त्यांचे शिष्य धर्मेद्र दास यांना सांगितले. 

हेही वाचा : पारदर्शक करप्रणाली पोर्टलचे मोदींच्या हस्ते उदघाटन  
 
नवी दिल्ली : प्रामाणिकपणे कर भरणाऱ्यांसाठी पंतप्रधान नरेंद्र मोदी 'पारदर्शी कराधान - ईमानदार का सन्मान' नावाच्या एक मंचाचे (पोर्टल) आज व्हिडीओ कॉन्फरसिंगद्वारे उद्घाटन करणार आले. पंतप्रधान कार्यालयाने (पीएमओ) याबाबतची माहिती दिली आहे. उद्घाटन कार्यक्रमाला केंद्रीय अर्थमंत्री निर्मला सीतारमन व राज्यमंत्री अनुराग ठाकुर हेही उपस्थित होते. या नव्या योजनेमध्ये प्राप्तिकर विभागाचे अधिकारी, उद्योग, लेखापरीक्षक महासंघ व वाणिज्य जगतातील नामवंत संस्थांचा सहभाग असेल. हा नवा मंच म्हणजे करभरणा करण्यातील ब्रिटिशकालीन क्‍लिष्टता टाळून ही प्रक्रिया अधिकाधिक सुलक्ष करण्यासाठीचे पाऊल असणार आहे. मोदी सरकारने मागील वर्षी उद्योगांवर लावण्यात येणारा कॉर्पोरेट टॅक्‍स ३० टक्‍क्‍यांवरून २२ टक्‍क्‍यांपर्यंत व नव्या उद्योजकांसाठी तर तो १५ टक्‍क्‍यांपर्यंत घटविण्याचा निर्णय केला होता. नव्या योजनेत कर कमी करणे व प्रत्यक्ष कर कायदे आणखी सुलभ करण्यावर भर राहील. याशिवाय प्राप्तिकर विभागाच्या कामकाजात अधिक पारदर्शकता व दक्षता आणण्याचेही प्रयत्न केले जाणार आहेत.