नवी दिल्ली : पंतप्रधान नरेंद्र मोदी (Narendra Modi) यांच्याकडून केंद्रीय मंत्रिमंडळाचा (Union Cabinet) मेगाविस्तार झाला आहे. मध्य प्रदेशात काँग्रेसचे सरकार पाडून कमळ फुलवणारे जोतिरादित्य शिंदे (Jyotiraditya Scindia) यांना कॅबिनेट मंत्रिपदाचे बक्षीस मिळाले आहे. मंत्रिपदाची शपथ घेतल्यानंतर त्यांच्या फेसबुक अकाउंटवर काँग्रेसचे कौतुक आणि मोदींवर टीका सुरू झाल्याने खळबळ उडाली. अखेर त्यांचे अकाउंट हॅक झाल्यामुळे हे घडल्याचे समोर आले.
जोतिरादित्य शिंदे यांनी मंत्रिपदाची शपथ घेतल्यानंतर काही तासांनी त्यांच्या फेसबुक उकाउंटवर ते काँग्रेसचे कौतुक करीत असलेला व्हिडीओ पोस्ट करण्यात आला. याचबरोबर या व्हिडीओत ते मोदींवर टीका करीत असल्याचे दिसत होते. यावरुन मोठी खळबळ उडाली. अखेर शिंदे यांच्या आयटी टीमने याबाबत फेसबुककडे आक्षेप नोंदवला. त्यानंतर त्यांचे फेसबुक अकाउंट हॅक झाल्याचे समोर आले.
शिंदे यांचे अकाउंट कुणी हॅक केले याचा शोध घेण्यात येत आहे. या प्रकरणी ग्वाल्हेर गुन्हे शाखेने गुन्हा दाखल केला आहे. शिंदेंचे फेसबुक अकाउंट हॅक होण्याचा तपास गुन्हे शाखा करीत आहे. परंतु, त्यांचे अकाउंट आता पूर्ववत करण्यात यश आले आहे. शिंदे यांच्या फेसबुक अकाउंटवरील व्हिडीओमुळे त्यांच्या समर्थकांमध्ये वेगवेगळे तर्कवितर्क लढवले जात होते.
शिंदे यांनी 22 समर्थक आमदारांसह मागील वर्षी काँग्रेस सोडून भाजपमध्ये प्रवेश केला होता. त्यामुळे मध्य प्रदेशातील कमलनाथ यांच्या नेतृत्वाखालील काँग्रेसचे सरकार कोसळले होते. नंतर शिवराजसिंह चौहान यांच्या नेतृत्वाखाली भाजपचे सरकार राज्यात सत्तेत आले. त्यावेळी त्यांना राज्यसभेवर घेण्यात आले होते. आता जोतिरादित्य शिंदेंना कॅबिनेट मंत्रिपद देण्यात आले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.