मुंबई : लॅाकडाउनपासून राज्यात बंद असलेली ग्रंथालये आणि अभ्यासिका तातडीने सुरू करण्याबाबत खासदार सुप्रिया सुळे यांनी मुख्यमंत्री कार्यालयास पत्र दिले आहे. ग्रंथालये आणि अभ्यासिका सुरू करण्याची विनंती सुप्रिया सुळे यांनी मुख्यमंत्र्यांकडे केली आहे.
विद्यार्थ्यांचे प्रश्न सोडवण्यासाठी खासदार सुप्रिया सुळे या नेहमीच पुढाकार घेत आहेत. ग्रंथालये आणि अभ्यासिका सुरू करण्यासाठी त्यांनी पुढाकार घेतला आहे. सुळे म्हणाल्या की ग्रंथालये आणि अभ्यासिका सुरू करण्याबाबत मुख्यमंत्री लवकर विद्यार्थ्यांना गोड बातमी देतील, अशी अपेक्षा आहे.
जिम, सिनेमागृह, हॉटेल व्यावसायिक यानतंर आता विद्यार्थ्यांसाठी खासदार सुप्रिया सुळे मैदानात उतरल्या आहेत. सुप्रिया सुळे यांनी काही दिवसापूर्वी सिनेमागृह, हॅाटेल पुन्हा सुरू करण्याबाबत मागणी केली होती. याबाबत त्यांनी टि्वट केलं होतं. लॅाकडाउनमुळे राज्यातील हॉटेल, व्यावसायिक रेस्टॉरंट चालकांना मोठ्या आर्थिक अडचणींना सामोरे जावे लागत आहे, असे सुप्रिया सुळे यांनी म्हटले होतं. यावर तोडगा काढण्याची विनंती त्यांनी सरकारला केली होती.
हेही वाचा : शिवसेना संपविण्यासाठी मुख्यमंत्र्यांना शरद पवार बाहेर फिरू देत नाहीत
नगर : सध्या कोरोनामुळे लोकांना लाखो रुपये खर्च करावे लागत आहेत. राज्यात अनेक प्रश्न असताना मुख्यमंत्री बाहेर फिरत नाहीत. ज्येष्ठ नेते शरद पवार मात्र या वयातही बाहेर फिरतात. याचा अर्थ शिवसेना संपविण्यासाठी मुख्यमंत्र्यांना बाहेर फिरू दिले जात नाही. राष्ट्रवादीची संघटना वाढविण्याचा त्यामागे हेतू दिसतो,`` अशी टीका माजीमंत्री शिवाजी कर्डिले यांनी आज केली. जिल्हा बॅंकेच्या वतीने गोपालनासाठी शेतकऱ्यांना कर्जवाटपाच्या कार्यक्रमानंतर कर्डिले बोलत होते. या वेळी त्यांनी महाविकास आघाडी सरकारवर जोरदार टीका केली. ते म्हणाले, कोरोनाचे बिल एक ते दीड लाखाच्या पुढे येत आहे. आॅक्सिजन वेळेत मिळत नाही. बेड उपलब्ध होत नाही. कोरोनाचा खर्च मोठा असल्याने सर्वसामान्य शेतकऱ्यांना हे भरणे शक्य नाही. त्यामुळे सर्वसामान्यांची एक प्रकारे लूट सुरू आहे. सरकार मात्र याकडे विशेष लक्ष देत नाही. शेतकऱ्यांचे नुकसान झाल्याने मोठे संकट उभे आहे. उद्योग अडचणीत आहेत. युवकांना नोकऱ्या नाहीत. देशाचे नेते शरद पवार सांगतात, मुख्यमंत्री उद्धव ठाकरे राज्याचे कॅप्टन आहेत. कॅप्टन घराबाहेर पडत नाहीत. कॅप्टनला मात्र बाहेर फिरू दिले जात नाही. शरद पवार मात्र या वयात जिल्ह्यात बाहेर पडतात. याच्यामागे एकच उद्देश दिसतो, की शिवसेना संपवायची आणि राष्ट्रवादीची ताकद वाढवायची, अशी टीका कर्डिले यांनी केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.