पुणे : "आंधळ दळतयं आणि कुत्रं पीठ खातयं.." अशी गत राज्य सरकारची झाली आहे, " अशी टिका भाजपचे आमदार राम सातपुते यांनी केली आहे. राम सातपुते यांनी गेल्या आठवड्यात राज्य सरकारच्या धोरणावर टिका केली होती. आजही त्यांनी ट्विट करत सरकारवर टीकेची झोड उठवली आहे.
सातपुते म्हणाले, "दुधाला दर मिळावा, म्हणून एल्गार आंदोलन केले पण सरकारने त्याची दखल घेतली नाही. आज जी दुधाची अवस्था आहे. तीच अवस्था शेतीमालाची आहे. शेतकरी योग्य दर मिळत नाही म्हणून देशोधडीला लागला आहे."
आमदार सातपुते यांनी जे ट्विट केले आहे त्यामध्ये, "महाराष्ट्रात कोरोनाचा रुग्ण तड़फडतोय. ख़ासगी हॉस्पिटलवाले लूटत आहेत. शेतकरी यूरिया साठी भटकतोय. दुधाला भाव नाही. शिक्षण संस्थानी विद्यार्थ्याला शुल्क भरायला तगादा लावलाय. शेतकरी, विद्यार्थी सामान्य नागरिक त्रस्त झालाय. आंधळ दळतय आणि कुत्र पीठ खातय अशी गत आहे," असे म्हटले आहे.
"कोरोनाचा रुग्ण जर खाजगी दवाखान्यात गेला तर त्याला लुटले जात आहे. खाजगी दवाखान्यात मोठी लूट सुरू आहे. सरकारने सांगितलं आहे की आम्ही ऑडिटर बसवला आहे, पण तो ऑडिटर कोठे आहे ? रुग्णाची लूट थांबणार आहे की नाही?" असा सवाल सातपुते यांनी विचारला आहे.
हेही वाचा : माजी आमदार राजन पाटील यांचा त्या पोस्टबाबत खुलासा
पुणे : "सोशल मीडियावर बार्शीचे भावी आमदार बाळराजे पाटील अशा पोस्ट व्हायरल होत आहेत, पण या पोस्टचा आणि आमचा काहीही संबंध नाही. बाळराजे पाटील यांनी बार्शी मधून विधानसभा निवडणूक लढवण्याबाबत कसलाही निर्णय झालेला नाही," असा खुलासा मोहोळचे माजी आमदार राजन पाटील यांनी केला आहे. गेल्या काही दिवसांपासून सोशल मीडियावर बार्शीचे भावी आमदार बाळराजे पाटील अशा पोस्ट व्हायरल होत आहे. या पोस्टमुळे अनेक राजकीय तर्कवितर्क लढवले जात असताना स्वतः राजन पाटील यांनी याबाबतीत खुलासा केला. त्यांनी फेसबुकवर "सोशल मीडियावर बार्शीचे भावी आमदार बाळराजे पाटील अशा पोस्ट व्हायरल होत आहेत पण या पोस्टचा आणि आमचा काहीही संबंध नाही. बाळराजे पाटील बार्शी मधून विधानसभा निवडणूक लढवण्याबाबत कोणताही निर्णय झालेला नाही."अशा आशयाची पोस्ट केली आहे.
Edited by : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.