काँग्रेसमधीलच लोक राहुल गांधींच्या विधानाची खिल्ली उडवतात!

शेतकरी आंदोलनाला पाठिंबा देण्यासाठी काँग्रेसचे नेते राहुल गांधीही आक्रमक झाले आहेत.
Narendra Singh Tomar criticize Rahul Gandhi over Farmers Protest
Narendra Singh Tomar criticize Rahul Gandhi over Farmers Protest

नवी दिल्ली : शेतकरी आंदोलनाला पाठिंबा देण्यासाठी काँग्रेसचे नेते राहुल गांधीही आक्रमक झाले आहेत. तिन्ही कायदे रद्द करण्याच्या मागणीसह शेतकऱ्यांना पाठिंबा देण्यासाठी राहुल यांनी स्वतः ट्रॅक्टर चालवत संसद गाठली. त्यावरून केंद्रीय कृषी मंत्री नरेंद्र सिंह तोमर यांनी त्यांना टोला लगावला आहे. (Narendra Singh Tomar criticize Rahul Gandhi over Farmers Protest)

राहुल गांधी यांच्याविषयी बोलताना तोमर म्हणाले, राहुल यांच्या यांच्या बोलण्याची त्यांचेच लोक खिल्ली उडवतात. त्यांना गाव, गरीब व शेतकऱ्यांच्या दु:खाचा अनुभव नाही. ते दिवसेंदिवस खोटं बोलण्यात पटाईत झाले आहेत. काँग्रेस व राहुल गांधी यांनी आपल्या घोषणापत्रात दिलेल्या वचनाचा विचार करावा. त्यांनी कृषी कायदे आणण्याची घोषणा केली होती. त्यामुळं ते तेव्हा खोटं बोलले होते किंवा आता खोटं बोलत आहेत. याबाबत खुलासा करायला हवा. त्यांनी शेतकऱ्यांची दिशाभूल करू नये किंवा अराजकता निर्माण करण्याचा प्रयत्न करू नये, अशी टीका तोमर यांनी केली. 

केंद्र सरकारच्या कायद्यांविरोधात मागील आठ महिन्यांपासून शेतकऱ्यांचे आंदोलन सुरू आहे. कायदे रद्द होईपर्यंत शेतकरी मागे हटण्यास तयार नाही. आतापर्यंत हे आंदोलन दिल्लीच्या सीमेवर सुरू होतं. आता संसद अधिवेशन सुरू झाल्यानंतर शेतकऱ्यांनी थेट जंतरमंतर गाठलं आहे. तिथे मोजक्याच शेतकऱ्यांना परवानगी देण्यात आली आहे. यावर बोलताना तोमर म्हणाले, किसान युनियनकडे नव्याने चर्चेबाबत कोणताही प्रस्ताव नाही, त्यामुळे ते चर्चेला येत नाहीत. केंद्र सरकार शेतकऱ्यांशी चर्चेला तयार आहे, असेही तोमर यांनी स्पष्ट केलं. 

दरम्यान, सोमवारी राहुल गांधी यांनी स्वत: ट्रॅक्टर चालवत संसदेपर्यंत पोहण्याचा प्रयत्न केला. या माध्यमातून त्यांनी शेतकऱ्यांना सूचक इशारा दिला. ते काँग्रेसचे राज्यसभेतील खासदार के. टी. एस. तुलसी यांच्या मोतीलाल नेहरू मार्गावरील निवासस्थानापासून ट्रॅक्टर चालवत विजय चौकात पोहोचले. ट्रॅक्टरवर त्यांच्यासमवेत पक्षाचे पंजाबमधील खासदार प्रतापसिंग बाजवा, दिपेंद्र हुड्डा, रवनीतसिंग बिट्टू व अन्य खासदारही उपस्थित होते. 

विजय चौकात पत्रकारांशी बोलताना राहुल गांधी म्हणाले, शेतकऱ्यांचा संदेश संसदेपर्यंत पोहचवण्यासाठी ही फेरी होती. संसदेत शेतकऱ्यांच्या मागण्यांवर चर्चा केली जात नाही. शेतकऱ्यांना दडपले जात आहे. तीनही कायदे कायदे सरकारला रद्दच करावे लागतील. केवळ दोन-तीन उद्योगपतींच्या फायद्यासाठी हे कायदे असल्याची टीका राहुल यांनी केली.

राहुल गांधी यांच्या ट्रॅक्टर फेरीनंतर दिल्ली पोलिसांनी कारवाई केली. त्यांनी ज्या ट्रॅक्टरवरून ही फेरी काढली तो ट्रॅक्टर पोलिसांनी जप्त केला आहे. संसद परिसरात सध्या कलम 144 लागू आहे. राहुल गांधी यांनी कोणतीही पूर्वकल्पना न देता ट्रॅक्टर चालवत संसदेपर्यंत आले होते. या फेरीनंतर काँग्रेसचे प्रवक्ते रणदीप सुरजेवाला, श्रीनिवास बी. वी. यांनाही पोलिसांनी ताब्यात घेतले. काही वेळाने त्यांना सोडून देण्यात आले.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com