शिवसैनिकाच्या हत्येने जालन्यात खळबळ, मारेकऱ्यांच्या अटकेची मागणी

शेळके यांची हत्या करून पुरावा नष्ट करण्यासाठी कारसह जाळून त्यांना दरीत ढकलण्यात आल्याची शक्यता वर्तवली जात आहे.दोन दिवसांपासून शेळके गायब असल्याचे देखील बोलले जाते. आज सकाळी आठच्या सुमारास त्यांचामृतदेह पूर्णपणे जळालेल्या अवस्थेत दरीत सापडला.घटनास्थळापासून काही अंतरावर रक्ताने माखलेला दगड, रुमाल आणि खिशातील पाकीट सापडले.
Shivsena Activiteist Murder in jalna news
Shivsena Activiteist Murder in jalna news

जालना :शिवसेना कार्यकर्त्याची हत्या करून त्याला कारमध्ये जाळण्यात आल्याचा धक्कादायक प्रकार उघडकीस आल्याने जालना जिल्ह्यात एकच खळबळ उडाली आहे. नेरसेवली परिसरातील नागपूर फाटा जवळ ही घटना घडली. रमेश शेळके अस या शिवसैनिकाचे नाव आहे. या घटनेचे माहिती मिळताच माजी राज्यमंत्री अर्जून खोतकर यांनी घटनास्थळी धाव घेऊन शिवसैनिक शेळके यांच्या कुटुंबियांची भेट घेऊन त्यांचे सांत्वन केले. या प्रकरणाची चौकशी करून आरोपींना तात्काळ अटक करावी, अशी मागणी देखील त्यांनी केली आहे.

 शिवसैनिकाची हत्या करून त्याच मृतदेह जाळण्यात आल्याचा प्रकार आज सकाळी उघडकीस आला. सेवली ते पाहेगाव रोडवरील खोल दरीत एक कार जळालेल्या अवस्थेत पडल्याचे काही जणांच्या निदर्शनास आले. पोलीसांनी घटनास्थळी जाऊन पाहणी केली असता हा मृतदेह व कार पाहेगांवचे माजी सरपंच, शिवसैनिक रमेश शेळके (५०) यांची असल्याचे स्पष्ट झाले. कारचा अक्षरशः कोळसा झाला होता.

शेळके यांची हत्या करून पुरावा नष्ट करण्यासाठी कारसह जाळून त्यांना दरीत ढकलण्यात आल्याची शक्यता वर्तवली जात आहे. दोन दिवसांपासून शेळके गायब असल्याचे देखील बोलले जाते. आज सकाळी आठच्या सुमारास त्यांचा मृतदेह पूर्णपणे जळालेल्या अवस्थेत दरीत सापडला.  घटनास्थळापासून काही अंतरावर रक्ताने माखलेला दगड, रुमाल आणि खिशातील पाकीट सापडले.

पाकिटातील ओळखपत्र वरूनच हा मृतदेह रमेश शेळके यांचा असल्याचे स्पष्ट झाल्याचे पोलिसांनी सांगितले. मयत शेळके शिवसैनिक असून घटनेची माहिती मिळताच  माजी मंत्री अर्जून खोतकर यांनी घटनास्थळी धाव घेतली. परतूरचे उपविभागीय पोलिस अधिकारी इंदलसिंग बहुरे, यांच्यासह सेवली पोलीस ठाण्याचे सहायक पोलीस निरीक्षक विलास मोरे यांनी घटनास्थळी जाऊन पंचनामा केला. दरम्यान, शिवसैनिकाच्या हत्येने जालना हादरले असून या प्रकरणाची चौकशी करून दोषींवर तातडीने कारवाई करण्याची मागणी शिवसेनेने केली आहे.

Edited By : Jagdish Pansare

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com