राज्यपालांनी आमच्या महापुरुषांबाबत खालच्या पातळीवर वक्तव्य केले, तेव्हा आजचे आंदोलक कुठे हेाते : रोहित पवारांचा सवाल

जेव्हा हर हर महादेव चित्रपटात शिवरायांच्या बाबतीत खोटा इतिहास दाखविला गेला. कर्नाटकमध्ये छत्रपती शिवाजी महाराजांच्या मोठ्या पुतळ्याचा अवमान झाला. आज आंदोलन करणारे लोक त्यावेळी गप्प का बसले होते.
 Rohit Pawar
Rohit PawarSarkarnama

बारामती : राज्यपाल (governor) भगतसिंह कोश्यारी (Bhagat Singh Koshyari) यांनी छत्रपती शिवाजी महाराज, महात्मा जोतिराव फुले, क्रांतीज्योती सावित्रीबाई फुले यांच्या बाबतीत खालच्या पातळीवर वक्तव्य केले, तेव्हा आजचे आंदोलन करणारे लोक का शांत बसले होते, असा सवाल आमदार रोहित पवार (Rohit Pawar) यांनी भाजपसह (BJP) शिंदे गट (Eknath Shinde) आणि 'मनसे'ला (MNS) केला आहे. (When governor made a low level statement about great men, where are today's protesters : Rohit Pawar)

बारामतीत माध्यमांशी ते बोलत होते. रोहित पवार म्हणाले की, जेव्हा हर हर महादेव चित्रपटात शिवरायांच्या बाबतीत खोटा इतिहास दाखविला गेला. कर्नाटकमध्ये छत्रपती शिवाजी महाराजांच्या मोठ्या पुतळ्याचा अवमान झाला. आज आंदोलन करणारे लोक त्यावेळी गप्प का बसले होते, याचे आश्चर्य व खंत आहे.

 Rohit Pawar
किल्लारी परिसराला पुन्हा भूकंपाचा धक्का; जमिनीखालून रेल्वे धावल्याचा भास झाला

सावरकरांच्या बाबत काही बोलणार नाही. त्यांच्याबाबतचा माझा अभ्यास खरंच कच्चा आहे. अभ्यास नक्कीच करावा लागेल. मात्र, याबाबत चर्चा झाली पाहिजे. शाहू, फुले, आंबेडकरांचा कोणताही विषय आला, तरी आपण त्यांचा इतिहास माहिती असल्याने लढतो. हे लढत नाहीत, ती गोष्ट वेगळी आहे. त्यामुळे सावरकर यांच्याबाबतचा खरा इतिहास समजला पाहिजे.

 Rohit Pawar
खासदार ओमराजे निंबाळकरांना मोठा धक्का; पवनराजेंचे विश्वासू सहकारी शिंदे गटात प्रवेश करणार

राहुल गांधी यांनी दाखविलेल्या पत्रात काय लिहिले होते. सावरकर यांनी लिहिलेल्या पुस्तकातील शब्द आणि शब्द समजून घेणे आवश्यक आहे. युवा पिढीला सावरकरांचा इतिहास समजला पाहिजे. यात राजकारण बाजूला ठेवणे आवश्यक आहे. राहुल गांधींचा विरोध कमी होत आहे. भाजप, शिंदे गट आणि मनसे यामध्ये राजकारण करीत आहेत. उध्दव ठाकरे यांच्या शिवसेनेला अडचणीत आणण्याचा प्रयत्न सुरु आहे. राजकारणाचा फायदा घेण्यासाठी थोर व्यक्तींना राजकीय चष्म्यातून पाहता की काय, असा प्रश्न सर्वसामान्यांना पडला असल्याचे आमदार पवार म्हणाले.

 Rohit Pawar
राज्यपाल कोश्यारींचे वक्तव्य; 'शिवाजी महाराज तो पुराने जमाने के...आज गडकरी है...'

माझ्या मतदारसंघात केवळ मला श्रेय मिळू नये, यासाठी पुण्यश्लोक अहिल्यादेवी होळकर यांचा विकास आराखडा, राशीनच्या देवीचा आराखडा आदी धार्मिक, विविध महत्वाच्या कामांना स्थगिती देण्यात आली आहे. जामखेडच्या पिण्याच्या पाण्याच्या योजनेला विरोधकांच्या सांगण्यावरुन स्थगिती देण्यात आली आहे. सगळ्यात राजकारण पाहण्यापेक्षा लोकांचे हित पहा. लोक आता दुटप्पी राजकारण सहन करणार नाहीत. येत्या काळात लोक शांत राहणार नाहीत, असा इशाराच रोहित पवार यांनी दिला.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in