नगर : माजी मंत्री आमदार राधाकृष्ण विखे पाटील यांनी आमदार म्हणून मिळणारे दोन महिन्यांचे मानधन कोरोनाग्रस्तांच्या उपचारासाठी मुख्यमंत्री सहाय्यता निधीत जमा करण्याचा निर्णय घेतला आहे.
याबाबत बोलताना आमदार विखे पाटील म्हणाले, की कोरोनासारख्या राष्ट्रीय आपत्तीच्या विरोधात एकजूटीने लढाई करण्याची वेळ आली आहे. याची सुरूवात स्वतःपासून करावी, म्हणून मिळणारे मानधन मुख्यमंत्र्यांच्या सहायता निधीत जमा करण्याचा निर्णय आपण घेतला आहे.''
''कोरोना व्हायरसच्या संदर्भात काळजी घेण्याबाबत जनजागृती करण्यात येत असली, तरी राज्यातील रुग्णांची वाढती संख्या ही चिंताजनक बाब आहे. या रुग्णांच्या उपचारासाठी योगदान म्हणून आता सहकार्याचे हात पुढे येवू लागले आहेत. उद्योग क्षेत्राने देखील मदतीसाठी एक पाउल पुढे टाकले आहे, ही समाधानाची बाब आहे. लोकप्रतिनिधी या नात्याने आपली असलेली जबाबदारी म्हणून दोन महिन्यांचे मानधन देण्याचा निर्णय घेतला आहे.'' असेही त्यांनी सांगितले. भविष्यात आणखी काही निर्णय घेवून कोरोनाच्या विरोधातील या लढाईत योगदान देणार असल्याचेही ते म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.