अन्‌ जेटली म्हणाले, " तुम अच्छा काम कर रही हो' - विजया रहाटकर

 अन्‌ जेटली म्हणाले, " तुम अच्छा काम कर रही हो' - विजया रहाटकर

औरंगाबाद : भारतीय जनता पक्षाची दिशा कशी असली पाहिजे, पक्षाने कशा पद्धतीने काम केले पाहिजे, या विषयी अरुण जेटली नेहमी ब्लॉगच्या माध्यमातून लिहत होते. हा ब्लॉग मी नियमीत वाचत असे. यावरून मला महिला मोर्चामध्ये काम करताना एक प्रेरणा मिळायची. यामुळे या ब्लॉगवर मी पुस्तक लिहायचं ठरवले आणि ते लिहिले. गेल्या लोकसभेच्या शेवटच्या संसदीय समितीच्या बैठकीत ते पुस्तक जेटली यांना दाखवले. ते पुस्तक त्यांना खुप आवडले. त्यावेळी जेटली म्हणाले " तुम अच्छा काम कर रही हो' असा अनुभव भाजपच्या महिला मोर्चाच्या राष्ट्रीय अध्यक्षा विजया रहाटकर यांनी सरकारनामाला सांगितला. 

रहाटकर म्हणाल्या, माजी केंद्रीय अर्थमंत्री अरुण जेटली हे उत्तम संसादपटू होते. त्यासह ते उत्तम वक्‍ता, संख्यातज्ज्ञ होते. भारतीय जनता पक्षाची दिशा कशी असली पाहिजे. पक्ष कशा पद्धतीने काम करीत आहे. या विषयी ते नियमीत ब्लॉग लिहत होते. तो ब्लॉग वाचून आम्ही महिला मोर्चाची बैठक आणि दिशा ठरवत होतो. या विषयी संसदीय बोर्डाच्या समितीच्या बैठकी दरम्यान अनेक वेळा जेटली यांची भेट झाली आहे. त्या बैठकीच्या आधी मी "जेटली यांना भेटले, तुम्ही लिहत असलेला ब्लॉक मी नियमित वाचत असते. त्यावर महिला मोर्चाच्या बैठकीत चर्चाही करत असतो. तुमच्याच ब्लॉगवर आम्ही पुस्तक लिहणार असल्याचे सांगितल्यानंतर जेटली यांना आमचे खुप कौतुक वाटले होते. 

जेटली पक्षाची दिशा कशी असावी याविषयी लिहित होते. हे महिला मोर्चाला कळावं यासाठी मी धडपडत होते. त्या ब्लॉगचे छान पुस्तक तयार केलं. 2019 च्या लोकसभा निवडणुकीपूर्वीच्या शेवटच्या संसदीय बोर्ड समितीच्या बैठकीत हे पुस्तक जेटली यांना दिले. त्यांना फार आनंद झाला. ते म्हणाले, आपण छान काम करावं, आपण अध्यक्ष म्हणून एक व्यक्‍ती नसतो, तर एक विचार म्हणून असतो. आपल्या पक्षाचा विचार आपल्या मोर्चापर्यंत नेणे हे सर्वाधिक उत्तम काम आहे. ते काम तुम्ही करत असल्याचे सांगत त्यांनी शाबासकीची थाप दिली.' 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com