vijay mallya | Sarkarnama

कर्जबुडव्या मल्ल्याला स्कॉटलंड पोलिसांकडून अटक

वृत्तसंस्था
मंगळवार, 18 एप्रिल 2017

लंडन : भारतातील बॅंकांचे हजारो कोटी रुपये बुडवून परदेशात पळालेला मद्यसम्राट विजय मल्ल्याला लंडनमध्ये स्कॉटलंड पोलिसांनी अटक करण्यात आल्याचे वृत्त आहे. मल्ल्या हा फरार झाल्यापासून भारतात मोदी सरकारवर सातत्याने टीका होत होती. 
एका इंग्रजी वृत्तवाहिनीने हे वृत्त दिले असून अद्याप वृत्ताला अधिकृत दुजोरा मात्र मिळालेला नाही. मल्ल्याला लवकरच न्यायालयासमोर हजर केले जाईल असे सूत्रांनी सांगितले. 

लंडन : भारतातील बॅंकांचे हजारो कोटी रुपये बुडवून परदेशात पळालेला मद्यसम्राट विजय मल्ल्याला लंडनमध्ये स्कॉटलंड पोलिसांनी अटक करण्यात आल्याचे वृत्त आहे. मल्ल्या हा फरार झाल्यापासून भारतात मोदी सरकारवर सातत्याने टीका होत होती. 
एका इंग्रजी वृत्तवाहिनीने हे वृत्त दिले असून अद्याप वृत्ताला अधिकृत दुजोरा मात्र मिळालेला नाही. मल्ल्याला लवकरच न्यायालयासमोर हजर केले जाईल असे सूत्रांनी सांगितले. 
भारतातील बॅंकांकडून हजारो कोटीचे कर्ज घेऊन तो फरारी झाला आहे. जवळजवळ नऊ हजार कोटी रुपयांचा त्याने बॅंकांना चुना लावला होता. मल्ल्या हा फरार झाल्यापासून लंडनमध्ये होता. काही दिवसांपूर्वीच त्याला दिल्लीतील विशेष न्यायालयाने अजामीनपात्र वॉरंट काढले होते. . परकीय चलन नियमन कायद्याचे उल्लंघन केल्याप्रकरणी हे वॉरंट काढण्यात आले होते. कर्जबुडव्या विजय मल्ल्याने मध्ये ब्रिटनमध्ये पळ काढला होता. मल्ल्याला पुन्हा भारतात आणण्यासाठी केंद्र सरकारचे प्रयत्न सुरू होते. भारताने ब्रिटिश सरकारकडे मल्ल्याला भारताकडे सोपवावे अशी विनंती केली होती. 
मंगळवारी स्कॉटलंड यार्ड पोलिसांनी आज सकाळी साडेनऊ वाजता अटक केल्याचे वृत्त आहे. लंडनमधील अटकेनंतर त्याला भारतात आणण्याची प्रक्रिया सुरू होऊ शकते. मल्ल्या हा राज्यसभेचा खासदारही आहे. 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख