वंचित आघाडीकडून विधानसभा इच्छुकांच्या 13 जुलैपासून मुलाखती

वंचित आघाडीकडून विधानसभा इच्छुकांच्या 13 जुलैपासून मुलाखती

खामगांव : विधानसभा निवडणूक दोन महिन्यावर येवून ठेवली असून सर्वच पक्ष आपल्या इच्छुक उमेदवारांची चाचपणी करीत आहेत. लोकसभा निवडणूकीत राजकारणात आपली वेगळी ओळख निर्माण करणारी वंचित बहुजन आघाडीच्या वतीने देखील विधानसभा निवडणूक लढविणार्‍या च्छुक उमेदवारांच्या चाचपणीसाठी  पार्लमेंटरी कमिटी स्थापन करण्यात आली असून  अण्णाराव पाटील, अशोक सोनोने, रेखाताई ठाकुर यांचा या कमिटीमध्ये समावेश आहे.

सदर कमिटी 13 जुलैपासून  विदर्भातील इच्छुक उमेदवारांच्या मुलाखती घेणार असून 13,14,15 जुलै रोजी अनुक्रमे नागपूर, अमरावती, अकोला विभागातील मुलाखती पार पडणार आहे. यासंदर्भात च्छुक उदेवारांनी नागपूर विभागात सागर डबरासे, रवी शेंडगे, नितेश जंगले, अमरावती येथे   गुणवंत देवपारे, नंदेश अंबाडकर, चरणदास निकोसे,  अकोला येथे प्रदीप वानखडे, प्रभाताई शिरसाठ यांच्याशी संपर्क साधावा. अशी माहिती वंचित बहुजन आघाडीच्या वतीने एका प्रसिध्दीपत्रकाद्वारे कळविले आहे.

निवडणूकीमध्ये वंचित बहुजन आघाडी पुर्ण ताकदीनिशी उतरणार असून इच्छुक उमेदवारांनी वर नमुद तारखेला स्वतःचे परिचय पत्र व कार्य अहवाल मुलाखती दरम्यान पार्लामेंटरी कमिटीसमोर सादर करावा, असे आवाहन अशोक सोनोने यांनी केले आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com