नागपूर: राज्यातील सुशिक्षित बेरोजगार अभियंत्यांना कामे मिळावीत म्हणून त्यांची नोंदणी मर्यादा 50 लाखांवरून दीड कोटीपर्यंत वाढविली आहे, अशी माहिती सार्वजनिक बांधकाम मंत्री चंद्रकांत पाटील यांनी आज विधान परिषदेत दिली.
यासंदर्भातील प्रश्‍न सतिश चव्हाण यांनी उपस्थित केला होता. राज्यात 72 हजार नोंदणीकृत सुशिक्षित बेरोजगार अभियंते आहेत. सार्वजनिक बांधकाम विभाग 33 टक्के मजूर संस्था, 33 टक्के सुशिक्षित बेरोजगार आणि 33 टक्के खुल्या वर्गातून निविदा काढण्यात येणार आहेत.
सुशिक्षित बेरोजगारांसाठी आरक्षित असलेल्या निविदा या अभियंत्याना देण्यात येतील. असाच नियम जिल्हा परिषद, नगर पालिका, महानगरपालिकामध्ये लागू करण्यात येणार आहे. सुशिक्षित बेरोजगार अभियंते खुल्या गटातील स्पर्धेतही निविदेत सहभागी होऊ शकणार आहेत. मजूर संस्थांमध्येही सुशिक्षित बेरोजगारांना निविदा भरता याव्यात त्यावर शासन निर्णय घेत असल्याचे प्रवीण पोटे यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.