उल्हासनगर : उल्हासनगर विधानसभा निवडणुकीत पप्पू कालानी पुत्र ओमी कालानी शिवसेनेतर्फे उमेदवारीसाठी प्रयत्नशील असल्याची चर्चा रंगात आली असताना शिवसेनेतील एका गटाने त्यास तीव्र विरोध सुरु केला आहे .
आज,शिवसेना-युवासेना पदाधिकाऱ्यांनी ओमी कालानी यांच्या पक्षप्रवेशाला प्रखर विरोध करण्यासाठी पालकमंत्री एकनाथ शिंदे यांच्या दरबारात धाव घेतली .
ओमी कालानी यांची स्वतंत्र टीम आहे. भाजपात त्यांच्या टीमच्या नगरसेवकांची संख्या अधिक आहे. त्यांच्या पत्नी पंचम कालानी ह्या भाजपाच्याच महापौर आहेत. मात्र ओमी यांनी भाजपा ऐवजी त्यांची टीम वाढवण्याला प्राधान्य दिले आहे.
जर शिवसेनेने ओमी यांना प्रवेश दिल्यास हीच परिस्थिती शिवसेनेची होऊ शकते . ओमी कलानी शिवसेनेला पोखरून त्यांची टीम मजबूत करण्यावरच लक्ष केंद्रित करणार असे गार्हाणे या शिवसेना पदाधिकाऱ्यांनी मांडले .
पप्पू कलानी यांच्या कारकीर्दीत त्यांनी शिवसेनेशी संघर्षच केला होता . त्यामुळे ओमी कलानी यांना पक्षात प्रवेश नाकारण्यात यावा तसेच निष्ठावंत शिवसैनिकालाच उमेदवारी देण्यात यावे अशी मागणी शिवसेना शहरप्रमुख राजेंद्र चौधरी, युवासेना अधिकारी बाळा श्रीखंडे, नगरसेवक कलवंतसिंग सोहता, स्वप्निल बागुल, संघटक सागर उटवाल, विभाग प्रमुख शिवाजी जावळे,मनोहर बेहनवाल, महेंद्र पाटिल यांनी पालकमंत्री एकनाथ शिंदे यांच्या कडे केली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.