उल्हासनगरच्या महापौर मीना आयलानी यांचा महासभेत राजीनामा,  पंचम कलानींचा महापौर पदाचा मार्ग मोकळा

महापौर मीना आयलानी यांचा कालावधी 4 जुलै रोजी संपुष्टात आल्यावरही त्या राजीनामा देत नसल्याने टीम ओमी कलानीच्या पंचम कलानी यांच्या महापौर पदाचे भिजत घोंगडे मुख्यमंत्री देवेंद्र फडणवीस, राज्यमंत्री रविंद्र चव्हाण यांच्या दरबारी गेले होते. त्यांना सातत्याने राजीनाम्याचे गाजर दाखवले जात असल्याने टीम ओमी कलानी-भाजपा-साईपक्षात बेबनावाचे वातावरण तयार झाले होते.
उल्हासनगरच्या महापौर मीना आयलानी यांचा महासभेत राजीनामा,  पंचम कलानींचा महापौर पदाचा मार्ग मोकळा

उल्हासनगर : भाजपा-साईपक्ष-टीम ओमी कलानी यांच्यातील करारानुसार सव्वा वर्षाचा कालावधी संपुष्टात आल्याने भाजपच्या मीना आयलानी यांनी आज सायंकाळी 7 वाजण्याच्या सुुमारास त्यांच्या महापौर पदाचा राजीनामा आयुक्त गणेश पाटील यांच्याकडे सुपूर्द केला आहे.त्यामुळे कलानी  परिवाराची सून पंचम कलानी यांच्या महापौरांचा मार्ग मोकळा झाला तरी उल्हासनगरकरांचे 30 नगरसेवकांचे संख्याबळ असलेल्या शिवसेनेच्या रणनीती कडे देखील लक्ष लागून गेले आहे.

महापौर मीना आयलानी यांचा कालावधी 4 जुलै रोजी संपुष्टात आल्यावरही त्या राजीनामा देत नसल्याने टीम ओमी कलानीच्या पंचम कलानी यांच्या महापौर पदाचे भिजत घोंगडे मुख्यमंत्री देवेंद्र फडणवीस, राज्यमंत्री रविंद्र चव्हाण यांच्या दरबारी गेले होते. त्यांना सातत्याने राजीनाम्याचे गाजर दाखवले जात असल्याने टीम ओमी कलानी-भाजपा-साईपक्षात बेबनावाचे वातावरण तयार झाले होते.

शेवटी आज आयलानी यांनी त्यांचा राजीनामा आयुक्त गणेश पाटील यांच्या कडे सोपवताना पाणावलेल्या डोळ्यांनी सत्ताधारी-विरोधीपक्ष व अधिकाऱ्यांचा निरोप घेतला. कोकण आयुक्तांच्या आदेशानुसार येत्या काही दिवसात महापौरची निवडणूक होत असून करारानुसार पंचम कलानी ह्या महापौर होणार आहेत. यात सत्तेत असलेल्या साईपक्षाची भूमिका आणि शिवसेनेची रणनीती याकडे उल्हासनगरकरांचे लक्ष लागले आहे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com