उद्धव ठाकरे यांनी सातारा जिल्हाप्रमुखांना हटवले

संघटनेतील मरगळ झटकण्यासाठी थोडे वर खाली करावे लागते -नितीन बानुगडे पाटील
उद्धव ठाकरे यांनी सातारा जिल्हाप्रमुखांना हटवले

सातारा : शिवसेनेतंर्गत पदाधिकारी व आमदारातील धुसफूसीतून सातारा, कऱ्हाड व पाटणचे जिल्हाप्रमुख हर्षद कदम यांना पदावरून दूर करण्यात आले आहे. त्यांच्या जागी पाटण व कऱ्हाड तालुक्‍यांसाठी जयवंत शेलार यांची जिल्हा प्रमुख म्हणून निवड करण्यात आली आहे. 

आगामी निवडणुकीच्या पार्श्‍वभूमीवर जिल्ह्यातील शिवसेनेचे 12 पदाधिकारी बदलले आहेत. 

आगामी निवडणुकांच्या पार्श्‍वभूमीवर शिवसेनेत पदाधिकाऱ्यांची बदलाबदल केली आहे. यामध्ये सातारा जिल्ह्यातील 12 तर सांगली जिल्ह्यातील 27 पदाधिकारी बदलले आहेत. सातारा, कऱ्हाड व पाटणचे जिल्हा प्रमुख हर्षद कदम यांना पदावरून दूर करण्यात आले आहे. आमदार व पदाधिकारी वादातून हा प्रकार झाल्याची चर्चा शिवसेना कार्यकर्त्यांतून बोलली जात आहे. आता नव्या जबाबदारीमध्ये कऱ्हाड व पाटण तालुक्‍याची जबाबदारी जिल्हा प्रमुख जयवंत शेलार यांच्याकडे दिली आहे. तर सातारा, वाई आणि कोरेगावची जबाबदारी जिल्हा प्रमुख राजेश कुंभारदरे यांच्याकडे सोपविली आहे. तर तिसरे जिल्हा प्रमुख चंद्रकांत जाधव यांच्याकडे माण, खटावची जबाबदारी कायम ठेवली आहे. 

या पदाधिकारी बदलाबाबत कृष्णा खोरे विकास महामंडळाचे उपाध्यक्ष व शिवसेनेचे संपर्क प्रमुख नितीन बानुगडे पाटील यांना विचारले असता ते म्हणाले, आगामी निवडणुकीच्या तोंडावर हे पदाधिकारी बदलले आहेत. शिवसेना सर्व निवडणुका स्वबळावर लढणार आहे. त्याची तयारी सुरू असताना बेरजेचे राजकारण महत्वाचे आहे. संघटनेतील मरगळ झटकण्यासाठी थोडे वर खाली करावे लागते.  

सांगलीतील 27 तर साताऱ्यातील 12 पदाधिकाऱ्यांना बदलण्यात आले आहे. हे फेरबदल शिवसेना पक्षप्रमुख उद्धव ठाकरे यांच्या सूचनेनुसार झाले आहेत. आगामी निवडणुकीसाठी रणनिती ठरविण्यासाठी हे फेरबदल आहेत.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com