मुंबई : अनेक वर्षांचा हा प्रश्‍न संपला, आजचा दिवस सोनेरी आहे, मी न्यायदेवतेला वंदन करतो, मी लवकरच अयोध्येला जाणार आहे तसेच भाजपचे नेते लालकृष्ण अडवाणी यांची भेट घेणार असल्याचे शिवसेनेचे पक्षप्रमुख उद्धव ठाकरे यांनी आज सांगितले. राममंदिराच्या निकालाचे स्वागत करून ते म्हणाले या लढ्यात आजपर्यंत ज्यांनी बलिदान दिले त्यांना मी मुजरा करतो तसेच आज या निकालावेळी शिवसेनाप्रमुखांचे आठवण येत आहे त्यांनी ज्या काळात हिंदू म्हणणे टाळले जात होते त्या काळात गर्वसे कहो हम हिंदू है ही घोषणा बलवान केली.
रामजन्मभूमी खटल्याच्या निकालाचे स्वागत करताना ते म्हणाले, भाजपचे नेते लालकृष्ण अडवाणी यांनी या प्रश्‍नावर आंदोलन उभारले त्यांचे योगदान मोठे आहे. मी त्यांचीही भेट घेणार आहे. गेल्या वर्षी 24 नोव्हेंबरला मी अयोध्येला गेलो होतो त्यावेळी शिवनेरीवरील शिवजन्मभूमीवरची माती अयोध्येत नेली होती, माझी अशी श्रद्धा आहे की या मातीने हा चमत्कार केला आहे. मी आता एक दोन दिवसात शिवनेरीवर जाणार आहे त्यानंतर अयोध्येत जाईन 24 तारखेला जाण्याचा माझा मानस आहे मात्र अयोध्येतील परिस्थिती पाहून माझा कार्यक्रम ठरवणार असल्याचेही त्यांनी स्पष्ट केले.
आजच्या पत्रकार परिषदेत त्यांनी सरकारची स्थापना तसेच अन्य कुठल्याही प्रश्‍नांला उत्तरे देण्याचे टाळले. आजचा दिवस आनंद साजरा करण्याचा दिवस आहे त्यामुळे फक्त राममंदिर या विषयावरच बोलुया. राममंदिराच्या लढ्याची आठवण देताना त्यांनी अशोक सिंघल तसेच अटलबिहारी वाजपेयी, प्रमोद महाजन, तसेच गोपीनाथ मुंडे यांची आठवण काढली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.